Atyraýdyń alyby týraly buryn da jazǵanbyz.
Ol – Qazaqstandaǵy eń uzyn adam, dep habarlaıdy Almaty-akshamy.kz
Azh.kz portaly Atyraý oblysynyń Inder aýdanynda turatyn elimizdegi eń uzyn adam Parasat Nurǵalıevtiń Qazaqstannyń rekordtar kitabyna "Eldegi eń uzyn adam" retinde kirgenin jazdy.
Qazaqstannyń rekordtar kitabynyń resmı ókili Qýandyq Qudaıbergenovtiń aıtýynsha, Parasat alpaýyttyń resmı mártebesinen bólek, elimizdegi eń úlken aıaqtyń da ıesi: onyń aıaqkıiminiń ólshemi – 56. Parasat Nurǵalıevtiń boıy – 218,5 santımetr, salmaǵy – 150 keli.
Alyp jigit dene bitimindegi ózgeristi mektepte júrgen kezde baıqaǵanyn aıtty.
«Basqa balalar sıaqty bolǵanymmen, 6-synypta oqyp júrgende denemdegi erekshelikti baıqaı bastadym. Birtúrli súıekterim óse bastaǵandaı sezilip, aıaqtarym uıyp, túsiniksiz sezimde boldym. Kıimderim kishkentaı bola bastady, boıym tez ósip, aıaǵym úlkeıip ketti. 9-10-shy synyp oqyp júrgenimde, aıaq kıim tabý problema boldy. Sebebi aıaq kıim ólshemi 50-ge jetti. Al ondaı aıaqkıim tabý óte qıynǵa soqty. Mektepti bitirerde salmaǵym 120 kılogramm, al boıym 2 metrge jetti», - deıdi Parasat.