Qala ákiminiń orynbasary Asqar Ámrınniń Almaty qalasy máslıhatynyń VIII shaqyrylymynyń kezekten tys II sesıasynda sóılegen sózinen:
Sizderdi depýtattyq mandatqa ıe bolýlaryńyzben quttyqtaımyn.
Qala turǵyndarynyń kúndelikti máselelerin sheshýdiń sapasy sizderge baılanysty.
Jergilikti erekshelikterdi bilip, turǵyndarmen qarym-qatynas jasap, óz bilimderińizdi qoldaný arqyly bizdiń megapolıstiń damýyna aıtarlyqtaı úles qosasyzdar.
Sondaı-aq, búdjetti qalyptastyrýǵa qatysqandaryńyz úshin alǵys aıtqym keledi. Biz birlesip, búdjetti naqtylaýdyń teńgerimdi jobasyn jasadyq.
Bizdiń birlesken jumysymyzdyń jemisti bolatynyna senimdimin. Qala turǵyndary megapolıs aýmaǵynda jaıly ómir súretin bolady.
Sizderdiń qaraýyńyzǵa engiziletin búdjetti naqtylaý jobasynda áleýmettik-ekonomıkalyq damý boljamynyń negizgi parametrleri eskerilgen.
Búgingi tańda ótkizilgen satyp alý rásimderinen únemdelgen qarajattyń, sondaı-aq salyqtyq jáne salyqtyq emes túsimderdiń ósýiniń arqasynda qala ekonomıkasyna qosymsha ınvestısıalar salýǵa múmkindik bar.
Jalpy, búdjetti naqtylaý búdjettiń 74,6 mlrd teńgege qosymsha kiristerin qalyptastyrý esebinen júrgiziledi:
- ótken jyldan qalǵan bos qaldyqtardy paıdalaný 183,1 mlrd. teńge;
Búdjettik baǵdarlamalar ákimshileri arasynda 7,7 mlrd.teńge somasynda búdjet qarajatyn ishki qaıta bólý (MT únemdeý – 190,1 mln. teńge, alý – 7,6 mlrd. teńge).
Atalǵan qarajat qalanyń tirshiligin qamtamasyz etýdiń qyzmet atqarýyna jáne qala turǵyndarynyń ómir súrý sapasyn jaqsartýǵa baǵyttalatyn bolady.
Jalpy, áleýmettik salaǵa 2023 jylǵy búdjet shyǵystarynyń shamamen 30,4%-y jumsalady, bul shamamen 79 mlrd teńge
Bilim berý salasyna 24,9 mlrd. teńge qarastyrylǵan.
«Saıaly-2» shaǵynaýdanynda 550 oryndyq mektep qurylysyn jalǵastyrýǵa jáne 59 mektep-gımnazıa ǵımaratyn qaıta jańartýǵa 2 mlrd. teńge qarastyrylǵan.
Balabaqshalardaǵy oryn tapshylyǵyn azaıtý maqsatynda "Aqjar", "Altyn besik", "Jas Qanat" shaǵynaýdandarynda 3 balabaqsha salýǵa 764,3 mln. teńge bólinedi. Bul 700-ge jýyq balany qamtýǵa múmkindik beredi.
Alataý jáne Naýryzbaı aýdandarynda 2 ınovasıalyq shyǵarmashylyq ortalyqtyń qurylysy aıaqtalýda. Osy maqsattarǵa jergilikti búdjetten 4 mlrd. teńge bólinýde.
9 áleýmettik nysan boıynsha (5 mektep, 2 balabaqsha, 1 ınovasıalyq shyǵarmashylyq ortalyq jáne 1 kolej jataqhanasy) jobalaý-smetalyq qujattamany ázirleýge 406,7 mln. teńge qarastyrylǵan.
Áýezov, Bostandyq jáne Medeý aýdandarynda 4 mektepte jáne 2 balabaqshada seısmıkalyq kúsheıtý jumystary júrip jatyr. Oǵan 3,3 mlrd. teńge bólinedi.
Densaýlyq saqtaý salasyna 8,4 mlrd. teńge qarastyrylǵan.
Sırek kezdesetin (orfandyq) aýrýlardyń 3 túri boıynsha 11 pasıentti tegin dárilik zattarmen qamtamasyz etý úshin 547 mlrd teńge kózdelgen.
Qylmystyq-atqarý júıesi mekemelerinde ustalatyn adamdarǵa medısınalyq kómek kórsetýge 230 mln. teńge kózdeledi
Jetisý aýdanynda jalpy somasy 1,5 mlrd. teńgege 3 jańa emhanany odan ári jabdyqtalýyna qurylys–montajdaý jumystaryn júrgizý kózdelýde.
14 densaýlyq saqtaý uıymynda jalpy somasy 1 mlrd. teńgege jańa lıft satyp alý jáne qoldanystaǵy lıft jabdyǵyn aýystyrý josparlanǵan.
№7 qalalyq aýrýhana úshin magnıtti-rezonanstyq tomograf jabdyqtaryn satyp alýǵa jalpy somasy 1,6 mlrd teńgege qarajat bólinedi.
Balalar shuǵyl medısınalyq kómek ortalyǵynyń operasıalyq blogy bar qabyldaý bólimshesiniń qurylysy aıaqtalýda. Buǵan jergilikti búdjetten 608,4 mln. teńge kózdelgen;
Áýezov aýdanyndaǵy № 16 qalalyq emhanany seısmıkalyq kúsheıtý jáne kúrdeli jóndeý jumystaryn júrgizýge jáne Qalalyq kardıologıalyq ortalyqty qaıta jańartýǵa 600 mln. teńge josparlanǵan.
Sondaı-aq, depýtattar komısıalarda Qalalyq kardıologıalyq ortalyq úshin jalpy somasy 145,2 mln teńgege angeografa satyp alýǵa qarajat qarastyrýdy usyndy.
Jedel járdem ortalyǵynyń operasıalyq blogy bar qabyldaý bólimshesiniń qurylysy aıaqtalýda, oǵan jergilikti búdjetten 608,4 mln teńge qarastyrylǵan.
Sondaı-aq, 8 densaýlyq saqtaý nysanyn salý boıynsha JSQ ázirleýge 197,8 mln teńge somasyna qarajat kózdelgen.