Beırýt qalasynda 9-10 qyrkúıek aralyǵynda para taekvondodan ashyq Azıa chempıonaty ótti. Jarysqa 14 memleketten 70-ten astam sportshy qatysty.
Qazaqstandyq sportshylar chempıonatta 1 «altyn» jáne 4 «qola» medaldi enshiledi. Atap aıtqanda Salımgereeva Marám (-65 kg) altynnan alqa taqty. Al Dombaev Nurlan (-80 kg), Ómirali Nyshan (+80 kg), Kýsherbaev Baýyrjan (-63), Garıpollaev Alısher (+80 kg) qola medaldy mise tutty, dep habarlaıdy Almaty-akshamy.kz.
Sondaı-aq, jalpy komandalyq esepte Qazaqstan quramasy 3-shi oryn alsa, 1-shi orynǵa Iran, 2-shi orynǵa Ózbekstan elderi ıe boldy.
«Lıvanda ótken ashyq Azıa chempıonat reıtıńtik jarystardyń biri bolyp keledi. Jarysta sportshylar óz sheberlikterin jaqsy kórsete bildi. Osyndaı dárejedegi jarysta oryn alý úlken jetistik. Qazirgi tańda Nurlan álemdik reıtıńte 2 orynda bolsa, Nyshan 5 orynda, Baýyrjan men Alısher 9 orynda tur. Al, Marám úzdik 20-dan kórinýde», - dedi Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń komanda basshysy Erlan Sýeýov.