Almatyda polıseılerdiń esebinde 400-ge jýyq jasóspirim jáne 580-den astam turmysy nashar otbasy tur
Mundaı málimetti Óńirlik komýnıkasıalar qyzmetiniń brıfıńinde Almaty qalasy PD Jergilikti polısıa qyzmeti basqarmasynyń ıývenaldy polısıa bóliminiń basshysy, polısıa podpolkovnıgi Janna Shonjanova aıtty, dep habarlaıdy Almaty-akshamy.kz.
Ol balalar men jasóspirimder qylmysynyń aldyn alý boıynsha júrgizilip jatqan jumystar týraly egjeı-tegjeıli aıtyp berdi.
Spıkerdiń habarlaýynsha, Almatyda kámeletke tolmaǵandar isi boıynsha 230 polısıa ınspektory qyzmet etedi. Olardyń barlyǵy quqyq buzýshylyqtyń aldyn alýmen aınalysady, qadaǵalaýsyz jáne qaraýsyz júrý faktilerin anyqtaıdy, kámeletke tolmaǵandardy tárbıeleý men oqytýmen aınalyspaıtyn zańdy ókildermen jumys júrgizedi.
«Bıylǵy jyly júrgizilip jatqan jedel-profılaktıkalyq is-sharalar sheńberinde 357 jasóspirim, sondaı-aq 380 turmysy nashar otbasy anyqtalyp, polısıanyń esebine qoıyldy. Búgingi tańda ishki ister organdarynyń esebinde 393 kámeletke tolmaǵan jáne 583 turmysy nashar otbasy tur», - dedi Janna Shonjanova.
Spıker jasóspirimder qylmysynyń negizgi sebepterin atady. Onyń pikirinshe, bul ata-analary ishimdikti asyra paıdalanǵan kezde olardyń balalarynyń baqylaýsyz qalýy.
Sondaı-aq, eger bala bos ýaqytynda eshqandaı úıirmeler men seksıalarǵa qatyspasa, kámeletke tolmaǵandardyń quqyqtyq saýatsyzdyǵynan.
Mundaı jaǵdaılarda, ata-analar balalar men jasóspirimderdi tárbıeleýge qatyspaǵan soń, balalar arnaıy ortalyqqa jiberiledi.
Jyl basynan beri ómirlik qıyn jaǵdaıǵa tap bolǵan balalardy qoldaý ortalyǵyna Almatyda 653 kámeletke tolmaǵan bala ornalastyrylǵany belgili.
Janna Shonjanova keıbir quqyq buzýshylyqtar úshin jasóspirimderdiń ata-analary jaýapty ekenin aıtty. Mysaly, kámeletke tolmaǵandardyń oıyn-saýyq oryndarynda (saǵat 22.00-den keıin) jáne turǵyn úı-jaılardan tys (saǵat 23.00-den keıin) túngi ýaqytta zańdy ókilderiniń bolmaǵany úshin 5640 ata-ana ákimshilik jaýapkershilikke tartyldy.
«Bular Almaty qalasyna belgili bir maqsatsyz, zańdy ókilderiniń erip júrýinsiz keletin qaladan tys kámeletke tolmaǵandar, olar kóbinese quqyq buzýshylyqtyń sýbektileri men obektilerine aınalady. Anyqtalǵan árbir fakt boıynsha biz kásipkerlik sýbektileri retinde ákimshilik jaýapkershilikke tartylady - bul osy mekemelerdiń ıeleri, sondaı-aq ata-analar», - dep atap ótti spıker.
Aǵymdaǵy kezeńde komısıa otyrystarynda kámeletke tolmaǵandardyń múddesi úshin túrli faktiler boıynsha 250 materıal qaraldy. Nátıjeleri boıynsha 23 ata-anaǵa ata-ana quqyǵynan aıyrý túrinde tótenshe shara qoldanyldy, 539 ata-ana bala tárbıesi jónindegi mindetterdi tıisinshe oryndamaǵany úshin ákimshilik jaýapkershilikke tartyldy.