Alǵash ret Ázirbaıjan muǵalimderine qazaqstandyq Pedagogıkalyq sheberlik ortalyǵynyń sertıfıkattary tabys etildi
Ázirbaıjan Respýblıkasynyń ǵylym jáne bilim mınıstrligimen keń aýqymdy yntymaqtastyq Pedagogıkalyq sheberlik ortalyǵynyń sheteldik muǵalimderdiń biliktiligin arttyrý jáne qazaqstandyq zıatkerlik tehnologıalardy álemdik bilimge sátti translásıalaý boıynsha júıeli jumysyn logıkalyq túrde jalǵastyrýda, dep habarlaıdy Almaty-akshamy.kz.
Ázirbaıjandyq áriptester tamyzda Astana qalasynda oqýdy bastady, olar úshin Pedagogıkalyq sheberlik ortalyǵy kásibı damý boıynsha «Zamanaýı muǵalim: oqytýdan zertteýge» aýqymdy baǵdarlamasyn ázirledi.
«Nazarbaev Zıatkerlik mektepteri» DBBU Basqarma tóraǵasy Ánýar Janǵozın ózekti kýrs zamanaýı bilim berýdiń eń suranysqa ıe basymdyqtaryna, sonyń ishinde álemdik pedagogıkanyń jahandyq trendterine jáne naqty oqytýshy úshin naqty quraldarǵa arnalatyn atap ótti.
Ázirbaıjandyq áriptesterge arnalǵan oqý baǵdarlamasy Jahandyq bilim berý jónindegi komısıanyń Azıa hab komısary Kúlásh Shamshıdınovanyń ashyq dárisinen bastaldy. Ýrbanızasıa dáýirinde máńgilik suraqtarǵa jaýaptar qandaı bolýy kerek, álfalar ne úırenedi, qazirgi ýaqytta ata-analar men balalardy ne biriktiredi, mekteptiń sıfrlyq transformasıasy neden bastalady, oqýshynyń jeke traektorıasyn kim jasaıdy – sheteldik muǵalimderdiń úlken qyzyǵýshylyǵy búgingi tańda barlyq elderdiń pedagogterin tolǵandyratyn negizgi suraqtardy týdyrdy.
– «Zamanaýı muǵalim» aýqymdy baǵdarlamasy zertteý tájirıbesi arqyly refleksıalyq oqytýdy damytýǵa, sabaqty josparlaý men baǵalaýda kásibı quzyrettilikterdi arttyrýǵa, qazirgi pedagogıkalyq quraldardy kóbeıtýge, «Lesson study» jáne «Action Research» negizgi kórsetkishterin túsinýge baǵyttalǵan. Ázirbaıjan Respýblıkasynyń Ulttyq kýrrıkýlýmyn eskere otyryp, halyqaralyq sertıfıkattaýdan ótken bizdiń ortalyqtyń «Tıimdi oqytý» jáne «Muǵalim tájirıbesindegi zertteýler» baǵdarlamalary negizinde qurastyrylǵan. Kembrıdj ýnıversıtetiniń keńesinen halyqaralyq sertıfıkattaýdan ótken PSHO-nyń tabysty trenerleri Raý-shan Ábisheva men Gúljan Zeınoldına ázirbaıjandyq áriptesterimen jumys jasady», – dep atap ótti Pedagogıkalyq sheberlik ortalyǵynyń dırektory Janbota Kabdykarımova.
Oqytýdyń eki kezeńinde – Astana men Bakýde – tujyrymdamalyq josparlaý, mektep mádenıeti jáne balaǵa qolaıly orta, motıvasıalyq jáne afektıvti teorıalar, synı turǵydan oılaý, ınteraktıvti jáne ınklúzıvti oqytý jáne fýnksıonaldyq saýattylyq negizgi taqyryptar boldy.
– Pedagogıkalyq sheberlik ortalyǵynyń kásibı jetistikteri ázirbaıjandyq muǵalimderdiń úlken qyzyǵýshylyǵyn týdyrdy – bedeldi eýropalyq ACQUIN ınstıtýtynda baǵdarlama akredıtasıalarynyń tutas serıasy, otandyq bilimge Lesson study jáne Action Research engizý boıynsha tabysty jumys, kelesi jyly TMD-da alǵash ret ótetin Dúnıejúzilik sabaqty zertteý qaýymdastyǵynyń WALS dástúrli konferensıasy. – Biz kún saıyn Astana men Bakýde qazaqstandyq áriptesterimizdiń búgin bizdi nemen tań qaldyratynyn asyǵa kútetinbiz. Ortalyqta oqý zamanaýı muǵalimniń jetistigi ózine degen senimdilikten bastalady degen jeke senimimdi rastady», – dedi Ázirbaıjan Respýblıkasynyń eńbek sińirgen muǵalimi Flora Alıeva. Hýraman Babaeva men Oksana Alıeva «Zamanaýı muǵalim» olardyń kásibı bilim men quzirettiligin jańartyp, júıelegenin jáne Astanada pedagogıkalyq ómirbaıanynyń jańa taraýy ashylǵanyn atap ótti.
Astana modýliniń sońǵy kúni «Jas ustaz: tabysqa aparar jol» atty jas muǵalimderdiń ekinshi respýblıkalyq forýmyna shaqyrtýdy sheteldik áriptester naǵyz sáttilik dep atady. Spıkerler men delegattardyń kózindegi ot pen júregindegi jalyndy óz mektepterimizge alyp ketemiz. Forýmda muǵalimderdiń biliktiligin arttyrýdaǵy jetistikter júıeli jumystyń arqasynda júzege asatynyna kóz jetkizdik. Ázirbaıjandyq áriptester Astanadan alyp ketken kásibı qorjynyndaǵy negizgi syılyqtar Pedagogıkalyq sheberlik ortalyǵy ázirlegen Lesson Box ádistemelik portfeli boldy. Ázirbaıjan Respýblıkasynyń ǵylym jáne bilim mınıstrligimen yntymaqtastyq PSHO-nyń sheteldik muǵalimderdiń kásibı biliktiligin arttyrý boıynsha tanymal jobalarynyń geografıasyn keńeıtti. Osy jyldar ishinde qazaqstandyq Pedagogıkalyq sheberlik Ortalyǵynyń sertıfıkattary Reseı Federasıasynyń, Qyrǵyzstannyń, Túrkimenstannyń birneshe aımaqtarynyń ókilderine berilgen bolatyn.