Akademık «Dostyq» metro stansasyna Baýyrjan Momyshulynyń esimin berýdi qoldaıdy.
Almaty qalasy Qoǵamdyq keńesiniń múshesi, QR Ulttyq ǵylym akademıasynyń akademıgi Alma Ábilqasymova Qazaqstannyń kórnekti uldary men qyzdarynyń esimderi bizdiń jadymyzda máńgi saqtalýy tıis jáne olardyń úlgisi boıynsha óz eliniń tarıhyn este saqtaýǵa jáne bilýge tıis jastardy tárbıeleýimiz kerektigin aıtty, dep habarlaıdy Almaty-akshamy.kz.
«Qazirgi ýaqytta Abaı dańǵyly men Momyshuly kóshesiniń qıylysynda ornalasqan Almatydaǵy 12-metro stansıasynyń qurylysy aıaqtalýǵa jaqyn. Qalamyzdaǵy birqatar beketterge jaqyn mańdaǵy kóshelerdiń ataýlary berilgeni belgili. Mysaly, «Raıymbek batyr» beketi – Raıymbek kóshesinde, «Abaı» beketi – Abaı dańǵylynda, «Jibek joly» beketi – Jibek joly kóshesinde ornalasqan. Sondyqtan Uly Otan soǵysy maıdanynda dańqqa bólengen, Máskeýdi fashıs basqynshylarynan qorǵaǵan Halyq qaharmany, qazaq halqynyń kórnekti uly, komandır atanǵan jalǵyz qazaqtyń esimin berý óte durys bolar edi. Baýyrjan Momyshuly 1993 jyly «Halyq qaharmany» joǵary ataǵyna ıe bolǵan alǵashqy maıdangerlerdiń biri. Sondaı-aq, ol – keremet jazýshy», - deıdi A.Ábilqasymova.
Ǵalym sonymen qatar Baýyrjan Momyshulynyń «Artymyzda Máskeý», «General Panfılov», «Batyldyq: áńgimeler» jáne taǵy basqa romandaryn úlken qyzyǵýshylyqpen oqıtynyn jetkizdi.
«Qala ákiminiń bul usynysyn almatylyqtar qoldaıdy dep oılaımyn. Qazaqstannyń kórnekti uldary men qyzdarynyń esimderi bizdiń jadymyzda máńgi saqtalýy tıis jáne biz olardyń úlgisi boıynsha óz eliniń tarıhyn este saqtaýǵa jáne bilýge tıis jastardy tárbıeleýimiz kerek», - dedi ol.