Ol kez kelgen tapsyrmany ońaı oryndaıdy.
Ózbekstan adamǵa uqsas robot jasaýdy qolǵa almaq, dep habarlaıdy aqshamnews.kz
Aniq.uz málimetinshe, alǵashqy adam tárizdi robot – "Do‘ppi bot"-qa 2 mıllıon dollar qarajy ketedi.
Robotty jasaýǵa eldiń eń úzdik jastary men qytaılyq mamandar tartylady. Robot jasandy ıntellektpen jabdyqtalady, ózbek tilinde sóıleıdi jáne kez kelgen tapsyrmany – eń bastysy, palaý pisirýdi esh qıyndyqsyz oryndaýǵa qaýqarly bolmaq.
Saıttyń jazýynsha, zamanaýı tehnologıalar da ózbekterdi palaý jasaýdan aıyra almaq emes.
Aıta keteıik, osyǵan deıin Qytaıdyń óte qabiletti robotty iske qosqanyn habarlaǵan bolatynbyz.
Al onyń aldynda kórshi eldiń roboty álemde alǵashqy bolyp salto jasap, ári álemde tuńǵysh ret myń burala bılep, sahnanyń sánin keltirgen edi.