Pákistannyń Karachı qalasynda turyp jatqan 300 qazaq kómek surap, Qazaqstan prezıdenti Qasym-Jomart Toqaevqa beıneúndeý joldady, dep habarlaıdy aqshamnews.kz
Úndeýdi Májilis depýtaty Erlan Saıyrov Instagram paraqshasyna jarıalady.
Vıdeodan Qazaqstan týy ilingen bólmede bir top adam otyrǵanyn kórýge bolady. Kópshilik ortasynda otyrǵan bir er azamat úndeýdi oqyp shyqty.
"Qurmetti Qazaq eli, biz tarydaı shashylǵan qazaqtyń bir bólshegimiz. Biz 5 jyl buryn Aýǵanstannan aýyp, Pákistanǵa kelgenbiz. Qyryq otbasy – 300 qazaq barmyz. 180-nen asa bala-shaǵa bar. Qolymyzda eshqandaı kýálik, pasport joq. Pákistan úkimeti 30 tamyzda bizdi jer aýdarmaqshy. Ne isterimizdi bilmeı otyrmyz. Bizdi alyp ketińizdershi Pákistannan", – deıdi Pákistannyń Karachı qalasynda turatyn qazaq azamaty.