Almaty tehnologıa jáne florıstıka kolejinde «Halyqaralyq taǵylymdama qorytyndysy boıynsha jobalardy iske asyrý» taqyrybynda qalalyq semınar ótip, onda halyqaralyq taǵylymdama nátıjeleri boıynsha Italıa, Golandıa, Germanıa jáne Qytaı elderiniń bilim berý qurylymynyń erekshelikterin oqý úderisine engizý boıynsha oqytýshylardyń tájirıbesin kórsetý máselesi keńinen sóz boldy.
Semınar barysynda tórt negizgi baǵyt boıynsha halyqaralyq taǵylymdamanyń qorytyndylary men nátıjeleri qamtylǵan jobalar usynyldy. Sondaı-aq, «Esepteý tehnıkasy jáne aqparattyq jeliler» baǵyty boıynsha «Grafıkalyq dızaın", «Kompúterlik grafıka» páni boıynsha praktıkalyq jumystar men fakúltatıvtik sabaqtarda qoldanatyn «Kompúterlik grafıka boıynsha zerthanalyq jumystar» ádistemelik quraly týraly joba talqylandy. 
Qazirgi suranysy artyp turǵan «Korset óńdeý jáne tigý» týraly «Tigin óndirisi jáne kıimderdi úlgileý» baǵytyndaǵy joba usynylyp, korset óńdeý boıynsha ádistemelik usynymdar kolej stýdentterine kómek retinde ázirlendi. «Avtomobıl kóligine tehnıkalyq qyzmet kórsetý, jóndeý» baǵyty boıynsha «Zerthanalyq-tájirıbelik sabaqtardy óndiris oryndarynda ótkizý» jobasyn júzege asyrý úshin «SVS BOSCH SERVICE» JSHS bazasynda zerthanalyq-tájirıbelik sabaqtaryn ótkizý úshin yntymaqtastyq Memorandýmy quryldy. «Baqsha saıabaq sharýashylyǵy» baǵyty boıynsha «Ekologıalyq tabıǵı materıaldardy paıdalaný» taqyrybynda joba usynyldy. Erekshe bilim berý qajettilikteri bar stýdentterge arnalǵan fakúltatıvtik sabaqtar josparyn ázirledi.