Elimizde medısına qyzmetkerleriniń kásibı jaýapkershiligin saqtandyrý ınstıtýty engizilýde.
QR Densaýlyq saqtaý mınıstri Aqmaral Álnazarova medısına qyzmetkerleriniń kásibı jaýapkershiligin saqtandyrýǵa qatysty zańnamanyń negizgi mánin túsindirdi, dep habarlaıdy aqshamnews.kz
Mınıstr buǵan deıin zańnamada medısına qyzmetkerleriniń kásibı jaýapkershiligin saqtandyrý úshin eshqandaı qural kózdelmegenine toqtaldy.
«Densaýlyqqa zıan keltirgen nemese densaýlyǵyn nasharlatqan, naýqastyń múgedektigine nemese ólimine ákep soqtyrǵan dáleldengen medısınalyq qatelik jaǵdaılary buryn qylmystyq tártippen qaralǵan. Mundaı jaǵdaılarda medısına qyzmetkeri materıaldyq jáne moraldyq zalaldy ózi tóledi. Memleket basshysynyń tapsyrmasy boıynsha, Qazaqstanda alǵash ret medısına qyzmetkerleriniń kásibı jaýapkershiligin saqtandyrý ınstıtýty engizildi, ol osy oqıǵalardy medısınalyq uıymdar deńgeıinde qaraýǵa múmkindik beredi. Úsh deńgeıli júıe engizilýde: medısınalyq uıym, Densaýlyq saqtaý basqarmasy jáne Medısınalyq jáne farmasevtıkalyq baqylaý komıteti deńgeıinde. Eger densaýlyqqa keltirilgen zıan anyqtalsa jáne pasıent pen onyń týystary ótemdi qabyldaýǵa daıyn bolsa, onda zalal saqtandyrý pýly esebinen óteledi. Medısınalyq qyzmetkerdiń ózine qarjylyq júkteme kózdelmeıdi, onyń barlyǵy jyl saıyn barlyq jumys berýshi medısınalyq qyzmetkerler úshin mindetti túrde tóleıtin saqtandyrý jarnalary arqyly tólenedi», – dep atap ótti Aqmaral Álnazarova.