Erkin kúresten Tıranada álem chempıony atanǵan qazaqstandyq Nurǵoja Qaıpanovqa demeýshiler sý jańa kólik mingizdi, dep habarlaıdy aqshamnews.kz.
Elge oralǵan belgili sportshyǵa mesenat Erlan Qojasbaı qurmet kórsetip, ZEEKR 001 kóligin tartý etti.
«Álem chempıony atanýyńmen quttyqtaı otyryp, ózińe, bapkerlerine alǵys bildiremin. Osy jolda aıanbaı ter tógip júrsiń. Oǵan ózim de kýámin. Bizdiń kúres akademıasynyń shákirti ekenińe maqtanamyz. Ózimniń, «Sádý-Arenanyń» atynan syılyq bergimiz keledi», - dedi Erlan Qojasbaı.
70 kelide beldesetin Qaıpanov Albanıa astanasynda kúres túrlerinen olımpıadalyq emes salmaq dárejeleri boıynsha ótken álem chempıonatynda top jarǵan edi.