QR Prezıdenttigine Kandıdat saılaýshylarmen kezdesý úshin Jańaózen qalasyna bardy.
Úgin-nasıhat jumystaryn júrgizý úshin arnaıy Jańaózen «Bilim-Innovasıa» lıseı-ınternatyna taban tiredi. Onda alǵashynda óziniń saıası baǵdarlamasyn tanystyrdy. Sondaı-aq sóz barysynda pedagogtardyń mańyzdylyǵyn jáne olardyń aldynda turǵan mindetterdi atap ótti.
«Álemniń kez kelgen elindegi muǵalim árqashan qurmetti, jáne mártebesi bıik mamandyq. Óıtkeni ol balalarǵa, ıaǵnı bolashaqqa bilim beretin adam. Men ózim muǵalim, profesormyn. Sondyqtan bul jumystyń qanshalyqty qıyn da qyzyqty bolatynyn bilemin», - dedi M.Qajyken.
Muǵalimder úmitkermen bilim berýdegi jalaqyny kótermeı júktemeni ulǵaıtý, sybaılas jemqorlyq, turǵyn úı alý sıaqty ózekti máselelerdi talqylady.
Meıram Qajyken óz baǵdarlamasynyń áleýmettik bóliminde muqtaj jas mamandarǵa, turǵyn úı satyp alýǵa qarajaty jetkiliksiz otbasylarǵa jáne halyqtyń basqa da toptaryna turǵyn úı berý jospary jazylǵanyn aıtty.
«Meniń ustanymym mynada: Jergilikti organdar kóppáterli úı salý úshin merdiger kompanıaǵa jer ýchaskesin beredi. Sondyqtan qurylys salýshy turǵyn úıdiń 15% - na deıin memleketke bólýi kerek. Iaǵnı, ákimdikter turǵyn-úıden páterler alady. Ony kezekte turǵandarǵa beredi», - dedi ol.
«Siz aıtyp otyrǵan jumysqa ornalasý kezindegi sybaılas jemqorlyqqa keletin bolsaq, men bul ózekti máselemen zańdy túrde qatal jáne qatań kúresý kerek dep sanaımyn. İsti tipti quqyq qorǵaý organdaryna deıin jetkizý kerek», - dep atap ótti kandıdat.
Ózekti máselelerdi talqylady
- Avtor Almaty-akshamy.kz
- 07:10, 10 qarasha 2022
Sýret: Almaty-akshamy.kz