Boksshy Aıdos Erbosynuly aýyr nokaýtqa túsken edi.
Prezıdent Qasym-Jomart Toqaev boksshy Aıdos Erbosynulyna qoldaý jedelhatyn joldady, - dep habarlaıdy Almaty-akshamy.kz Aqordaǵa silteme jasap.
Memleket basshysy naǵyz bilek pen júrekti talap etetin sport túrimen kásibı túrde shuǵyldanyp júrgen Aıdos Erbosynulyna qoldaý bildirdi.
«Kýbalyq boksshymen jekpe-jegińizde búkil qazaqstandyq jankúıer Sizge tilekshi boldy. Báseke bolǵan jerde jeńis pen birge sátsizdiktiń de bolatyny zańdylyq. Eń bastysy – denniń saýlyǵy. Tezirek saýyǵyp, ortamyzǵa oralyp, otandyq bokstyń damýyna úlesińizdi qosa beretinińizge senim bildiremin», – dep jazylǵan jedelhatta.
Eske sala ketsek, qazaqstandyq Aıdos Erbosynuly (16-1, 11 KO) sýper orta salmaqta (76,2 kelige deıin) kýbalyq Devıd Morrelmen (8-0, 7 KO) judyryqtasyp, 12-raýndta aýyr nokaýtqa túsken edi.