Bul premer-mınıstrdiń ýádesi.
Álıhan Smaıylov úkimettiń ınflásıaǵa qatysty boljamy týraly aıtty, dep habarlaıdy dep habarlaıdy Almaty-akshamy.kz
«Ózderińiz bilesizder, ulttyq bank ınflásıa deńgeıin tómendetý úshin óziniń bazalyq stavkasyn 16 prosentke deıin ulǵaıtty. Kelesi jyldyń basynda ınflásıa deńgeıi men makroekonomıkalyq jaǵdaı turaqtalady dep sanaımyz», - dedi úkimet basshysy.
Osy oraıda úkimet basshysy áleýmettik mańyzy bar azyq-túlik baǵasynyń ústemesin 15 prosentten asyrmaý mindeti qoıylǵanyn eske saldy. Osy saladaǵy baqylaý sharalary jalǵasa beredi.
Aıta keteri, Qazaqstanda ınflásıanyń jyldyq kórsetkishi 19%-ǵa jýyqtady, al ónim baǵasy 23,2%-ǵa ósti.
«Kelesi jyly ınflásıa deńgeıi 7,5-9,5 prosent bolady dep josparlap otyrmyz. Al odan keıingi jyldary 4-5 prosentke túsýi kerek. Biz osyndaı maqsat qoıýymyz kerek. Sosyn qolda bar sharalardy paıdalanyp, oǵan jetýimiz shart», - dep atap ótti Smaıylov.