Bul týraly áleýmettik jelidegi paraqshasynda depýtat Abzal Quspan málim etti, dep habarlaıdy Almaty-akshamy.kz Polisia.kz-ke silteme jasap.
“Petropavldaǵy jaǵdaı boıynsha Bas prokýror atyna hat daıyndaldy, endi depýtattardyń qolyn jınap, tústen keıin joldaıtyn bolamyz”, – dep jazdy ol.
Eske salaıyq, ózderin Petropavl turǵyndarymyz dep tanystyrǵan bir top adam Qazaqstannan «táýelsizbiz» dep málimdeme jasap, Halyq Keńesi qurylǵanyn jarıalady. Olar Qazaqstan Respýblıkasyn «korporasıa» dep atap, onyń quqyqtyq negizderin joqqa shyǵardy.
«Biz azat jáne erkin halyqpyz, erler men áıelder, SQO Petropavl qalasynyń turǵyndary Qazaqstan Respýblıkasy korporasıasynyń quqyqtyq negiziniń jalǵandyǵyna, halyqtyń ómirine qolaısyz jaǵdaılar týǵyzýyna, sonymen qatar, onyń agentteriniń áreketke qabiletsizdigi men abyroısyzdyǵyna baılanysty ıgiligimiz ben resýrstarymyzdy basqarý júıesiniń barlyq quryltaıshysy men qyzmetshilerine tolyq senimsizdik bildiremiz. Biz, halyq, óz táýelsizdigimiz ben egemendigimizdi jarıalaımyz», - deıdi qatysýshylar áleýmettik jelilerde taraǵan vıdeoda.