Bir laýazymdy atqaratynyna qaramastan, qazaqstandyqqa az, sheteldikke kóp jalaqy tólegen kásiporyndarǵa aıyppul salyndy, dep habarlaıdy Almaty-akshamy.kz QazAqparatqa silteme jasap.
«Oblystardaǵy prokýrorlar byltyr memlekettik eńbek ınspektorlarymen birlesip, sheteldik jumys kúshin tartatyn 64 kásiporynǵa tekserý júrgizdi. Onyń barysynda eńbekaqy tóleýdegi dısproporsıanyń 179 jaǵdaıy anyqtaldy. Mysaly, Almaty oblysynda «CITIC Construction» JSHS-de Qytaıdan kelgen ınjenerdiń jalaqysy sol laýazymdaǵy jergilikti mamanǵa qaraǵanda 2,5 ese kóp bolǵan. Qytaıdan kelgen maman 750 myń alsa, qazaqstandyq aıyna 300 myń alyp kelgen. Sol sıaqty Atyraý oblysynda «Fırkroft Injınırıń Servısez Lımıted» JSHS-de Anglıadan kelgen joba ınjeneriniń jalaqysy sol laýazymdaǵy jergilikti mamanǵa qaraǵanda 10 ese kóp bolǵany anyqtaldy. Atap aıtqanda, shetelik maman aıyna 15 mln 760 myń teńge, al jergilikti jumysker 1 mln 927 myń teńge alyp kelgen», - dedi Eńbek jáne áleýmettik qorǵaý komıtetiniń tóraǵasy Tólegen Ospanqulov OKQ-de ótken brıfıńide.
Anyqtalǵan quqyqbuzýshylyqtar negizinde 263 laýazymdy tulǵa ákimshilik jaýapkershilikke tartylyp, olarǵa 64,3 mln teńge aıyppul salynǵan.
Sonymen birge, brıfıń barysynda komıtet tóraǵasy elimizdegi 73 kásiporynnyń jumyskerlerge tólemegen 1,4 mlrd teńge jalaqy bereshegi bar ekenin aıtty.