Qazaqstan kúmis syılaǵan shahmatshylaryn marapattady ma?
Búkilálemdik shahmat Olımpıadasynda qola júldeger atanǵan Ózbekstan quramasyn Tashkentte jankúıerler kóterińki kóńil kúımen qarsy alyp, qoshemet kórsetti, dep habarlaıdy aqshamnews.kz.
Prezıdent atynan komanda quramynda bolǵan Nodırbek Abdýsattorov, Nodırbek Iakýbboev, Javohır Sındarov, Shamsıddın Vahıdov jáne Jahongır Vahıdovke BYD Chazor markaly kólik berildi. Sondaı-aq qarjylaı syıaqy da tabystaldy.
Eske sala ketsek, Býdapeshte ótken 45-shi Olımpıada oıyndaryna Qazaqstan quramasy da qatysyp qyzdarymyz kúmis júldeger atanyp qaıtty. Al altyndy Úndistan quramasy alǵan bolatyn.
Alaıda arnaıy ótkiziletin Olımpıada oıyndarynda júlde alǵan otandastarymyzǵa Memleket tarapynan syıaqy berý qarastyrylmaǵan. Federasıa tarapynan ǵana marapattalýy múmkin.
Ázirshe Prezıdent shahmattan áıelder quramasyn quttyqtaýymen shektelip tur.