Almaty qalasynyń Ekologıa jáne qorshaǵan orta basqarmasy jyl saıynǵy «Jasyl aýla» aksıasy aıasynda qalany kógaldandyrý jáne jasyl qordy saqtaý baǵdarlamasyn jalǵastyryp keledi. 2024 jyldyń kúzinde qala turǵyndary kópqabatty úılerdiń aýlalary men qoǵamdyq oryndardy kógaldandyrý úshin japyraqty aǵashtardyń kóshetin tegin ala alady.
Kóshetter 12-13 qazanda myna mekenjaıda ornalasqan ár aýdannyń komúnıtı ortalyǵynda taratylady:
1. Áýezov aýdany – Mamyr-1 sh/a., 26/1;
2. Alataý aýdany – Saıaly sh/a., 71;
3. Medeý aýdany – Nazarbaev dańǵyly, 36;
4. Jetisý aýdany – Botkın kóshesi, 20;
5. Túrksib aýdany – Jas Qanat sh/a., 49A;
6. Almaly aýdany – Baıtursynov kóshesi, 22/1;
7. Naýryzbaı aýdany – Shuǵyla sh/a., 343/7;
8. Bostandyq aýdany – Abaı dańǵyly, 164/6.
Árbir komúnıtı ortalyǵynda 100-ge deıin kóshet taratylady. Kóshetter negizinen Áýezov aýdany, Iýrıı Kım kóshesi, 9 úı («Eco Almaty» JSHS) mekenjaıynda taratýǵa daıyndalady.
Aksıanyń kúzgi kezeńine qatysý úshin ótinim 2024 jyly 23 qyrkúıekten 4 qazanǵa deıin qabyldanady.
Aksıaǵa qatysý úshin Jasyl.aula.almaty@gmail.com elektrondy poshtasyna mynadaı málimetterdi jiberý qajet:
1. Bastamashyl tulǵanyń aty-jóni jáne baılanys derekteri, otyrǵyzylatyn jerdiń naqty mekenjaıy;
2. Josparlanǵan otyrǵyzý ornynyń birneshe fotosýreti (oryndy baǵalaý úshin panoramalyq fotosýret bolǵany jón);
3. Qajetti kóshetterdiń sanyn kórsetý.
Aksıaǵa qatysatyn turǵyndar aǵash otyrǵyzǵannan keıin fotoesep usynýy qajet.
Aksıa týraly qosymsha aqparat alý úshin Almaty qalasynyń Ekologıa jáne qorshaǵan orta basqarmasynyń jasyl qor monıtorıńi jáne basqarý bólimine +7 771-161-98-50 telefony arqyly habarlasýǵa bolady.
«Jasyl aýla» aksıasy – Almaty turǵyndarynyń shahardy kógaldandyrýǵa, ony odan ári jasyl ári jaıly etýdiń tamasha múmkindigi.