Ózbekstan respýblıkasy elimzdegi sý tasqynynan zardap shekken óńirlerge gýmanıtarlyq kómek jiberdi
800-ge jýyq qaıyq, 80 tonnadaı astyq ónimderi, 25 myń lıtr suıyq maı, konservilermen 1000 adamǵa arnalǵan tósek jabdyqtary odan bólek túrli kerekti zattar tıelgen 15 júk kóligi búgin Qaraǵandy oblysyna jetti, dep habarlaıdy almaty-akshamy.kz. Ózbekstan Respýblıkasy Prezıdentiniń keńesshisi Týrsýnpýlat Hýdaıbergenov Qaraǵandy qalasyna arnaıy kelip, baýyrlas eldiń izgi nıetin jetkizdi. Endi atalǵan kómek sý tasqyny júrip jatqan oblystarǵa jóneltiletin bolady.
Bobýr Ýsmanov, Ózbekstan Respýblıkasy syrtqy ister mınıstriniń orynbasary:
Bul eki eldiń dostyǵyn odan asa nyǵaıta túsedi dep oılaımyn. Bir birimizge osylaı kómek berip, qıyn kezde qoldaý kórsetý ara qatynasymyzdy jaqsartary sózsiz. Biz naqty kerek degen zattardy jınap, alyp keldik. Ózbek eli árqashan kómek berýge daıyn.