Áleýmettik jelilerdegi materıaldarda quqyq buzýshylyq derekteri kóbeıip ketti.
Bul týraly Mádenıet jáne aqparat mınıstri Aıda Balaeva aıtty, dep habarlaıdy almaty-akshamy.kz.
Sózinshe, búginde kórshi elderdiń tájirıbesi zerdelenip jatyr.
"Qazirgi tańda áleýmettik jelilerdegi materıaldarda quqyq buzýshylyq derekteri kóbeıip ketti. Ony ózderińiz de kórip otyrsyzdar. Onyń barlyǵy bizdiń ulttyq qaýipsizdigimizge áser etse, álbette, osyndaı is-sharalardy qabyldaýǵa týra keledi. Bul áli sheshilgen joq. Áli qarastyrylyp jatyr, jalpy talqylaýǵa usynylatyn suraq", - dedi ol Májilis kýlýarynda.
Tilshiler spıkerden qandaı áleýmettik jelilerde tyıym salynǵan materıaldar kóp ekenin surady.
"Bul Tık-tok. Onda kóbinese balalar otyrady. Beıádep sózder aıtylady, tipti adamdar bal ashyp otyrady. Kez kelgen memlekettik organ bir jaıtqa qarap sheshim shyǵarmaıdy. Máseleni jan-jaqty zerdelep, saraptap qana sheshim qabyldaıdy", - dep tolyqtyrdy Aıda Balaeva.