Ózbekstanda H3N2 ataýymen belgili gonkong tumaýynyń shtamyn juqtyrý deregi tirkeldi. Vırýs jyldam taralsa, pandemıaǵa soqtyrýy múmkin degen qaýip bar.
Sala mamandary bul indettiń aldyn alý úshin kúzde turǵyndarǵa 2,2 mln doza vaksına egilgen deıdi. Ekpeni negizinen medısına qyzmetkerleri, muǵalimder, balabaqsha tárbıeshileri men jetkinshekter alǵan.
Sońǵy aptada kórshi elde turǵyndardyń jedel respıratorly vırýstyq ınfeksıa juqtyrý deregi edáýir tómendegen, dep habarlaıdy almaty-akshamy.kz qazaqstan.tv-ge silteme jasap.
Esesine, "shoshqa tumaýy" atanyp ketken H1N1 vırýsyn juqtyrýdyń jyl basynan beri 4 jaǵdaıy anyqtaldy.
"Zerthanalarda júrgizilgen taldaý nátıjesine saı, ázirge tumaýdyń bul túrine shaldyqqan 4 adam bar. Olarmen qarym qatynasta bolǵandar jiti tekserilip, jaǵdaıdy qatań baqylap otyrmyz. Arnaıy monıtorıń júrgizip, indettiń taralýyna tosqaýyl qoıý sharalaryn qolǵa aldyq", deıdi Ózbekstan respýblıkasy DSM SES jáne qoǵamdyq densaýlyq komıteti basshysynyń orynbasary Nurmat Otabekov.