Jábirlenýshilerdiń aıtýynsha, belgisiz bireý qarjylyq ınternet alańynda aqshany krıptovolútaǵa aınaldyramyn degen jeleýmen iri kólemde aqshany ıemdengen.
Almatyda iri alaıaqtyqqa qatysy bar adam ustaldy, – dep habarlaıdy Almaty-akshamy.kz Polisia.kz-ke silteme jasap.
Polısıaǵa alaıaqtyq týraly birneshe habarlama kelip túsken.
«Jedel-izdestirý is-sharalary barysynda kúdiktilerdiń biri – K.esimdi azamat ustaldy. Anyqtalǵandaı, jas jigit alaıaqtyq jolmen alynǵan aqshalaı qarajatty qabyldap otyrǵan. Ustaý kezinde kúdiktiden 3 telefon, 8 SIM-karta jáne ártúrli adamnyń atyna ashylǵan 14 bank kartasy tárkilendi. Osy derek boıynsha tergeý QR QK-niń 190-babyna sáıkes qylmystyq isti tergep jatyr», – dedi Almaty qalasy PD krımınaldyq polısıa basqarmasynyń bastyǵy Qýatbek Naýatov.
Qazirgi ýaqytta polısıa qyzmetkerleri alaıaqtyq áreketke basqa da qatysýshylardy anyqtaýǵa baǵyttalǵan jedel-izdestirý is-sharalaryn júrgizip jatyr.