Ózbekstan Densaýlyq saqtaý mınıstrliginiń málimetinshe, respýblıka búginge deıin reseılik preparattyń 370 myń dozasyn alǵan, sonyń ishinde birinshi komponent – 230 myń doza, ekinshi komponent – 140 myń doza bolǵan.
Ózbekstan Respýblıkasynda «Spýtnık V» vaksınasy ekinshi komponentiniń tapshylyǵy bar, dep habarlaıdy Almaty-akshamy.kz QazAqparatqa silteme jasap.
«Qazirgi kezde birinshi dozany 212 818 adam alǵan, ekinshi komponent 128 442 adamǵa salyndy. Qos komponent sanyn teńestirý úshin elge vaksınanyń áli 90 myń dozasy jetkizilýi tıis. Aldaǵy kúnderi Ózbekstan «Spýtnık V» vaksınasy ekinshi komponentiniń 90 myń dozasyn kútip otyr», - dep habarlady vedomstvonyń baspasóz qyzmetinen.
Mınıstrlikte reseılik preparatty qabyldaý arasyndaǵy ýaqyt jıiligin 21 kúnnen 90 kúnge deıin uzartýǵa bolatynyn qosyp ótti.
Eske sala ketsek, shilde aıynyń sońynda Ózbekstandaǵy «Jurabek Laboratories» zaýytynda «Spýtnık V» vaksınasy birinshi komponentiniń birinshi partıasy quıylǵan.
Birinshi kezeńde reseılik shıkizattan jasalǵan preparattyń 2 mıllıonǵa deıin dozasyn óndirý josparlanyp otyr. Keıinnen atalǵan preparat óndirisiniń tolyq sıkly retke keltiriledi.