Ózbekstanda úndistandyq óndirýshi Marion Biotech sıropyn qabyldaǵan 19 bala qaıtys bolǵan
Ózbekstan Densaýlyq saqtaý mınıstrligine qarasty Farmasevtıka ónerkásibin damytý agenttiginiń qyzmetkerleri elshilik qyzmetkerlerine dáriler partıasynda etılenglıkol bar ekeni týraly habarlady. Bul ruqsat etilgen deńgeıden 300 ese joǵary.
Sot otyrysynda anyqtalǵandaı, 2022 jyldyń qyrkúıek-jeltoqsan aılary aralyǵynda Samarqand oblysynyń balalar kópsalaly medısınalyq ortalyǵyna 6 jasqa deıingi jedel búırek jetkiliksizdigimen 21 naýqas bala túsken, 15-i-úshke de tolmaǵan balalar. Nátıjesinde úsh bala emdelip, úılerine jiberilse, qalǵan 18-i qaıtys bolǵanyn eske salamyz.
Kúni keshe taǵy bir balanyń JRVI-ǵa qarsy úndilik dáriden ýlanǵany belgili boldy. Jótelge arnalǵan shárbatty ishken bala jansaqtaý bólimine jetkizildi. Qabyldaý-dıagnostıka bóliminde anamnez jazyldy. Jaǵdaı 2022 jyldyń 28 jeltoqsanynda bolǵan.
Sonymen resmı málimetter boıynsha, Ózbekstanda úndistandyq óndirýshi Marion Biotech sıropyn qabyldaǵan 19 balanyń qaıtys bolǵany rastaldy (dári-dármekti Quramax Ózbekstanǵa ımporttaǵan).
Ózbekstannyń jańa densaýlyq saqtaý mınıstri Amrıllo Inoıatov dárihanalarǵa jazǵan hatynda 2022 jyly Quramax kompanıasy ákelgen barlyq dári-dármekterdi satýdy toqtatýdy tapsyrdy. Sondaı-aq, Tashkent qalalyq sotyna "DOK-1 Maks" pen Ambronol" preparattarynyń sertıfıkattarynyń kúshin joıý týraly talap aryz bergenin eske salamyz.