Elge áýe tasymaly arqyly jetetin azamattarǵa erekshe artyqshylyq jasalǵan
2022 jyly 15 qańtardan bastap Ózbekstan Respýblıkasynyń Qazaqstan Respýblıkasymen shektesetin memlekettik shekarasyn eki el azamattarynyń kesip ótýine ýaqytsha tyıym salynady, dep habarlaıdy Almaty-akshamy.kz Zakon.kz-ke silteme jasap.
Bul «omıkron-shtammnyń» aınalymǵa shyǵýyna baılanysty, dep habarlaıdy ÓR SİM baspasóz qyzmeti.
Elge áýe tasymaly arqyly jetetin azamattarǵa erekshe artyqshylyq jasalǵan, ıaǵnı bul tyıymnyń olarǵa qatysy joq.
Sondaı-aq elge mynandaı jaǵdaıda kirýge ruqsat etiledi:
• úkimetaralyq feldegerlik baılanys qyzmetkerlerine;
• júkterdi halyqaralyq tasymaldaýdy júzege asyratyn júrgizýshilerge;
• resmı (úkimettik) delegasıalardyń quramynda bolatyn adamdarǵa;
• dıplomatıalyq ókildikterdiń, konsýldyq mekemeler men halyqaralyq uıymdardyń qyzmetkerlerine, sondaı-aq olardyń otbasy múshelerine;
• Qazaqstan Respýblıkasynyń aýmaǵynda ornalasqan Ózbekstan Respýblıkasy obektileriniń, sondaı-aq Ózbekstan Respýblıkasynyń aýmaǵynda ornalasqan Qazaqstan Respýblıkasy obektileriniń qyzmet kórsetýshi personaldaryna;
• osy memleketterde ınvestısıalyq jobalar sheńberinde jumys isteıtin Ózbekstan, sondaı-aq Qazaqstan azamattaryna;
• Ózbekstan Respýblıkasynda turaqty turatyn Qazaqstan Respýblıkasynyń azamattaryna, sondaı-aq Qazaqstan Respýblıkasynda turaqty turatyn Ózbekstan Respýblıkasynyń azamattaryna.