Ákim emdelý úshin 30 jeltoqsanda eńbek demalysyn alǵan
Atyraý qalasynyń ákimi Qaırat Orazbaev qyzmetinen bosatyldy, dep habarlaıdy Almaty-akshamy.kz.
Bul derekti oblys ákiminiń baspasóz qyzmeti rastady.
«Atyraý qalasynyń ákimi Qaırat Orazbaev emdelý úshin 30 jeltoqsanda eńbek demalysyn alǵan bolatyn. Qala ákimi 10 qańtarda jumysqa keri shaqyrtylyp alyndy. Alaıda, ol kelesi kúni densaýlyǵyna baılanysty eńbekke jaramsyzdyq paraqshasyn ashtyrdy. Oblys ákiminiń ókimimen Qaırat Orazbaev 14 qańtar kúni óziniń ótinishi negizinde Atyraý qalasy ákimi qyzmetinen bosatyldy. Qazir Atyraý qalasy ákiminiń mindetin atqarý qala ákiminiń orynbasary Jumabek Qarajanovqa júkteldi», -dep habarlady oblys ákiminiń baspasóz qyzmeti.
Eske sala ketelik, Qaırat Orazbaev Atyraý qalasy ákiminiń qyzmetine 2020 jylǵy qańtarda taǵaıyndalǵan bolatyn.