Óńirlik komısıalar týraly ereje qabyldanady
Almaty Óńirlik komýnıkasıalar qyzmetiniń brıfıńinde qala ákiminiń orynbasary İlıas Óserov terorıstik áreketter barysynda kásipkerlerge keltirilgen zalaldy anyqtaý tetigi týraly aıtyp berdi, dep habarlaıdy Almaty-akshamy.kz.
Ákim orynbasarynyń aıtýynsha, zalaldy baǵalaýdy quramyna táýelsiz baǵalaýshylar, aýdıtorlyq kompanıalar, «Atameken» UKP, quqyq qorǵaý organdary men qala qurylysyn baqylaý ókilderi, máslıhat depýtattary kiretin aýdandyq jumys komısıalary júrgizedi. Aýdandyq komısıalardyń sheshimi zalaldy óteý boıynsha tıisti tólemder úshin negiz bolady.
«Jaqyn kúnderi barlyq rásimderdi reglamentteıtin kásipkerlerge keltirilgen zalaldy óteý tetigi, onyń ishinde zalaldy óteý týraly sheshim qabyldaý tetigi, óńirlik komısıalar týraly ereje qabyldanatyn bolady. Qujat jobasyn «Atameken» UKP ázirlep, memlekettik organdarǵa jiberdi. Barlyq normatıvtik qujattar bekitilgennen keıin InfoKazakhstan - da qoljetimdi bolady», - dedi ákim orynbasary.
İlıas Óserov sondaı-aq kásipkerlerge keltirilgen zalaldy Almaty qalasynyń ákimdigi respýblıkalyq búdjet qarajatynan óteıtinin habarlady.
Sondaı-aq zardap shekken kásipkerlerge qala aýdandaryndaǵy jaýapty laýazymdy tulǵalardyń nómirlerin berdi:
Alataý aýdany – Belgibaev Oljas Talǵatuly 8 701 7779986
Almaly aýdany – Haırýllın Erden Rashıduly 8 775 5555718
Áýezov aýdany – Keneev Renat Baqdáýletuly 8 708 6340056
Bostandyq aýdany – Sadýaqasova Janar Seıitjanqyzy 8 701 5019990
Jetisý aýdany – Ákejanov Damır Nursultanuly 8 705 7778130, 8 776 2222870
Medeý aýdany – Soltanbaev Berik Bekmyrzauly 8 705 4444060
Naýryzbaı aýdany – Dandybaev Baǵlan Erboluly 8 701 9594439
Túrksib aýdany – Lebaev Naıl Muratjanuly 8 702 1809007.