Memleket basshysy Qasym- Jomart Toqaev Qazaqstan halqyna Joldaýynda bıylǵy jyldy «Jumysshy mamandyqtary jyly» dep jarıalady.
Bul bastamany sala ókilderi jumysshy mamandyǵynyń bedelin arttyryp qana qoımaı, tehnıkalyq jáne kásiptik bilim berý júıesiniń reformasynyń iske asýyna jasalyp otyrǵan qoldaý dep qabyldap, osy maqsatty júzege asyrýǵa kirisken edi. Sondaı júıeli jumystyń biri – qala kóleminde ótip jatqan «Kásip tańdaý – bul mańyzdy!» dep atalatyn kásibı baǵdarlaý jumysy.
Qazirgi tańda Almaty qurylys-tehnıkalyq kolejiniń ınjenerlik-pedagogıkalyq ujymy mektep oqýshylaryna arnap, sheberlik synyptary men synaq- tájirıbelik sabaqtaryn ótkizýdi qolǵa aldy.
Olar óndiristik oqytý sheberlerimen sheberlik synyptaryn ótkizip, oqýshylarǵa mamandyqtyń qyry men syryn úıretip jatyr. Dırektordyń oqý- óndiristik jumys jónindegi orynbasary Elvıra Baqtybaevanyń aıtýynsha, atalmysh is-sharalardy ótkizýdegi basty maqsat – kásibı baǵdarlyq jumys barysynda óndiristik oqytý júrgiziletin jabdyqtardy kórsetý, tańdalǵan kásiptiń bolashaǵyna kóz jetkizip, óz áleýetin ashý múmkindigin synǵa salý bolyp otyr.
Sonymen qatar, kolejde ótip jatqan is-sharaǵa mektep oqýshylary men muǵalimderi, ata-analar da qatysyp jatyr. Oqýshylar kolejdiń mamandyqtary men biliktilikteri týraly ózekti málimetterdi alady, stýdentter óndiristik oqytý júrgiziletin jabdyqtarmen tanysady.
İs-sharanyń mańyzdylyǵyna kelsek, bul oqýshylar úshin bolashaq mamandyqty tańdaýda jaýapty qadam bolmaq.