Kasadan 6 mln teńgeni qoldy qylǵan.
Túrkistan oblysynda óz jumys ornyna urlyqqa túsken kúdikti úsh jylǵa sottaldy, dep habarlaıdy Almaty-akshamy.kz.
Oqıǵa tamyz aıynda Jetisaı aýdanynda oryn alǵan. Óz jumys ornyna urlyqqa túsken jigit, kasadan 6 mln teńgeni qoldy qylǵan.
Polıseılerdiń tergeý áreketteri barysynda kúdiktiniń buryn sol jerde júk tasýshy bolyp jumys istegeni anyqtaldy. Ol sol kúni qoıma ishine kirip, 5 saǵattaı jumysshylardyń úıine qaıtqanyn kútip otyrǵan. İshte eshkimniń qalmaǵanyna kóz jetkizgennen soń, sýsyndar qoımasynyń terezesinen kasaǵa ótip, 6 mln teńgeni sómkesine salyp alyp ketken.
«Atalǵan is boıynsha jan-jaqty tekserý sharalaryn atqaryp, dáleldemelerdi jınaqtaǵan polıseıler is qujattaryn aıyptaý aktisimen birge sotqa joldady. Nátıjesinde sot úkimimen 23 jastaǵy kúdikti QR KQ-niń 188-baby 3-bóligimen kináli dep tanylyp, oǵan qatysty 3 jyl 3 aı merzimge bas bostandyǵynan shekteý jazasy taǵaıyndaldy», - delingen Túrkistan oblysy polısıa departamenti taratqan aqparatta.