Reseı gaz jetkizilimin tolyq kólemde jasamasa, otynnyń bul túriniń tapshylyǵy qaıta týyndaýy yqtımal.
Eýroodaq bıylǵy qysqa qajetti gaz qoryn toltyryp aldy. Alaıda kelesi jyly gaz tapshylyǵy bolýy múmkin. Bul týraly Eýrokomıssıa tóraǵasy Ýrsýla fon der Láıen aıtty, dep habarlaıdy Almaty-akshamy.kz QazAqparatqa silteme jasap.
Eýroodaq bıylǵy jylytý maýsymyna qajetti gazdyń qoryn jasaqtaı aldy. Degenmen, keler jyly Reseı gaz jetkizilimin tolyq kólemde jasamasa, otynnyń bul túriniń tapshylyǵy qaıta týyndaýy yqtımal. Bul týraly dúısenbide, 12 jeltoqsan kúni, ótken baspasóz máslıhatynda Ýrsýla fon der Láıen Halyqaralyq energetıka agenttiginiń deregine súıenip málim etti.
«Qolǵa alǵan sharalarǵa qaramastan, kelesi jyly 30 mlrd tekshe metr gaz jetispeýshiligin sezinýimiz múmkin», - dedi Eýrokomıssıa tóraǵasy.
Fon der Láıen paıymynsha, Eýroodaq búdjetti qaıta qarap, reseılik gazdan túbegeıli bas tartý maqsatynda iri energetıkalyq ınvestısıalar úshin derbes qor qurý jóninde oılanýy qajet. Alaıda, bul úshin EO-ǵa jańa birlesken qaryzdy alýdyń qajeti bar-joǵyn Eýrokomıssıa tóraǵasy naqtylamady. Biraq blok búdjetine «ózge kózderden qosymshalar» qajet bolatynyn aıtyp ótti.