Bul birinshilik - úsh jas mólsherin qamtyǵan alǵashqy báseke
Astana qalasyndaǵy Jaqsylyq Úshkempirov atyndaǵy Jekpe-jek saraıynda qazaq kúresinen álem chempıonaty bastaldy. Úsh kúnge sozylatyn dúbirli dodaǵa álemniń 40-qa jýyq memleketinen 350 balýan qatysyp jatyr, dep habarlaıdy Almaty-akshamy.kz.
Bul birinshilik - úsh jas mólsherin qamtyǵan alǵashqy báseke (eresekter, jastar jáne jasóspirimder). Jarys baǵdarlamasyna sáıkes, jasóspirimder men jastar árqaısysy 5 salmaq dárejesinde kil myqtyny anyqtaıdy. Al eresekter 12 salmaq dárejesinde (erler 8, áıelder 4) beldesýde.
Ulttyq quramanyń ókilderi, «Dala qyrany» tıtýlynyń ıegerleri álemdik jarysta el namysyn qorǵap jatyr. Olar – Bekjan Tólepov (55 kg), Marat Nıgmatýllaev (60 kg), Nur Amanshúkirov (66 kg), Jumajan Qojambekov (74 kg), Aıdyn Dartaev (82 kg), Toqtarbek Aıdarbek (90 kg), Muhıt Tursynov (100 kg) jáne Nurdáýlet Jarylǵapov (+100 kg).
Qazaq kuresi qaýymdastyǵy alǵashqy kúnniń nátıjelerin jarıalady. Keshe chempıonatta eresek sportshylar bozkilemge shyqqan. Atap aıtqanda, erler 82, 90, 100 jáne +100 keli salmaqta kúsh synasty. Al áıelder 75 jáne +75 keli salmaqta myqtyny anyqtady.
82 kg
İ oryn – Aıdyn Dartaev (Qazaqstan)
İİ oryn – Ýmıd Esanov (Ózbekstan)
İİİ oryn – Amır Sheıh Hoseını (Nıderland)
İİİ oryn – Hamroz Rajabov (Tájikstan)
90 kg
İ oryn – Tomas Stepanıak (Polsha)
İİ oryn – Jamalbek Asylbekýýly (Qyrǵyz)
İİİ oryn – Toqtarbek Aıdarbek (Qazaqstan)
İİİ oryn – Ivan Kozov (Moldava)
100 kg
İ oryn – Marat Baıkamýrov (Qazaqstan)
İİ oryn – Bahrıddın Abdýraıymov (Ózbekstan)
İİİ oryn – Alekseı Lýsenko (Polsha)
İİİ oryn – Davaabat Sogtbaatar (Monǵolıa)
+100 kg
İ oryn – Nurdáýlet Jarylqapov (Qazaqstan)
İİ oryn – Bekbolat Toqtoǵonov (Qyrǵyz)
İİİ oryn – Georgıı Shagelıshvılı (Grýzıa)
İİİ oryn – Mýhsın Hısomıddınov (Ózbekstan)
Qyzdar arasyndaǵy básekeniń nátıjesi tómendegideı:
75 kg
İ oryn – Batseseg Sog-Oshır (Monǵolıa)
İİ oryn – Deborah Vos Kaılı (Nıderland)
İİİ oryn – Fılýra Ergashova (Ózbekstan)
İİİ oryn – Sahbaz Senanýr (Túrkıa)
+75 kg
İ oryn – Nagıra Sarbashova (Qyrǵyz)
İİ oryn – Kebadze Elene (Grýzıa)
İİİ oryn – Rahıma Iýldoshova (Ózbekstan)
İİİ oryn – Móldir Azamat (Qazaqstan)
Aıta keteıik, elimizdegi qazaq kúresinen úsh federasıanyń basyn biriktirip, ulttyq kúresimizdi el ishinde jáne sheteldik arenada nasıhattap júrgen Qazaq kuresi qaýymdastyǵy bıyl Birikken kúres áleminiń (UWW) quramyna kirgen bolatyn. Aldaǵy ýaqytta barlyq halyqaralyq jarystar UWW-men birlesip ótkiziledi.
Qazaq kúresinen álem chempıonatyn Insport telearnasynan áleýmettik jelidegi paraqshasynan tikeleı efırde kórýge bolady.