Ótken jylǵy qyrkúıektegi Prezıdenttiń halyqqa arnaǵan Joldaýynda aıtylǵan tapsyrmalaryn júzege asyrý boıynsha júrgizilip jatqan jumystar týraly týrızm jáne sport mınıstri Ermek Marjyqpaev, sondaı-aq buqaralyq týrızmdi damytý men ınvestorlardy tartýdyń áleýeti joǵary birqatar óńirdiń basshylary baıandama jasady.
Ótken jyldyń qorytyndysy boıynsha týrızm salasy negizgi kórsetkishter boıynsha tarıhı eń joǵary deńgeıge jetti. Qazaqstanǵa 9,2 mln sheteldik keldi, sondaı-aq otandyq týrıser sany 9,6 mln adamnan asty. Ornalastyrý oryndary týrıserge 230 mlrd teńgeniń qyzmeti kórsetilip, qazyna 450 mlrd teńge salyq túsimimen tolyqty. Negizgi kapıtalǵa salynǵan ınvestısıa kólemi ótken jyly 53%-ǵa artyp, 787 mlrd teńgeni qurady. Bıyl birinshi toqsannyń qorytyndysy boıynsha salaǵa salynǵan ınvestısıa 3 esege ósip, 177 mlrd teńgege jetti.
Sonymen qatar Oljas Bektenov ınvestısıalar tartý deńgeıiniń tómendeýi tirkelgen, týrısik áleýeti tolyq iske asyrylmaǵan birqatar óńirdi atap ótti. Bul – Atyraý, Qaraǵandy, Pavlodar, Aqmola, Batys Qazaqstan jáne Jetisý oblystary. Olardyń ákimderine ınfraqurylym máselelerin keshendi túrde sheship, qyzmet kórsetý sapasyn túbegeıli jaqsartý tapsyryldy.
Búgingi tańda 82 eldiń azamattary Qazaqstanǵa vızasyz kele alady, 29 elge 108 baǵyt boıynsha halyqaralyq áýe qatynasy júzege asyrylady.
Alaıda týrıser yńǵaısyz demalys oryndary men ondaǵy sanıtarıalyq talaptarǵa saı kelmeıtin qolaısyz jaǵdaılarǵa moıynsunýǵa májbúr. Sonymen qatar naryqta básekeniń bolmaýy qyzmet kórsetý baǵasynyń qymbattaýyna alyp keledi. Báseke joq jerde, servıs sapasy da aqsaı beretini anyq.
Mundaı tásilder ózgermeıinshe, syrtqy týrızm keńinen tanymal bolyp qala beredi. Bul rette, Qazaqstannyń tabıǵaty men ásem jerleri elimizde ekologıalyq, mádenı, zıarat etý jáne emdik-saýyqtyrý týrızmin damytýǵa zor múmkindik beredi.
Sondaı-aq Úkimet otyrysynda «Atameken» UKP basqarma tóraǵasy Raıymbek Batalov pen Orient Finance Group kompanıalar tobynyń ókili Rýslan Shaekın sóz sóıledi. Týrızm ınfraqurylymyn odan ári damytý jáne servısti jaqsartý maqsatyndaǵy memleket pen bıznestiń ózara is-qımyl tetikterine nazar aýdaryldy.
Premer-Mınıstr memleket tarapynan týrısik aımaqtarda ınfraqurylym qamtamasyz etilip, ınvestorlar úshin qolaıly jaǵdaı jasalatynyn atap ótti. Óz kezeginde bıznes tarapy týrısik aýmaqtardy uqypty paıdalanýdy jáne qolaıly baǵamen sapaly qyzmet kórsetýdi qamtamasyz etýi kerek. Bul áýe jáne temirjol bıletteriniń baǵasyna da qatysty. Shaǵyn azamattyq avıasıa múmkindikterin de týrızmdi damytýǵa paıdalanýǵa bolady.
«Ol úshin Kólik mınıstrligi ınfraqurylymdy qaıta qarap, áleýetti ınvestorlardy tartý úshin tıisti jaǵdaı jasaýy tıis. Sonymen qatar qaýipsizdik máselelerin pysyqtap, kórshiles eldermen qatar alys shetelderdiń de tájirıbesin zerttep kórý qajet. Elimizde tabıǵı týrısik aımaqtar shalǵaı ornalasqan, sondyqtan shaǵyn avıasıany damytý óte ózekti bolyp tabylady. Kishigirim ushaqtar men tikushaqtarǵa beton jolaqtar qajet emes, shaǵyn ınfraqurylym salsa jetip jatyr. Bul bizdiń tabıǵı jáne tarıhı aımaqtarymyzdyń áleýetin arttyryp, týrlardyń jańa pýlyn qalyptastyrýǵa yqpal etedi», — dedi Premer-Mınıstr.
Máseleni qaraý qorytyndysy boıynsha Oljas Bektenov birqatar tapsyrma berdi. Atap aıtqanda, Kólik, Týrızm jáne sport mınıstrlikteri men ákimdikterge demalys aımaqtaryndaǵy ınfraqurylym jobalarynyń aıaqtalýyn qamtamasyz etý, sondaı-aq «Samuryq-Qazyna» qorymen birlesip, poıyzdar sanyn kóbeıtip, avıabıletterge baǵa belgileý máselesin sheshý tapsyryldy.
Buǵan qosa, Týrızm jáne sport mınıstrligine óńir ákimdikterimen birlesip, agro jáne ekotýrızmdi damytý maqsatynda jańa jobalar ázirleý qajet. Sonymen qatar ákimdikter jańa destınasıa oryndary men týrıserdi tartý máselesin pysyqtaýy tıis. Sondaı-aq İshki ister jáne Tótenshe jaǵdaılar mınıstrlikterimen birge týrısik nysandardyń jazǵy maýsymǵa daıyndyǵyn qamtamasyz etip, saıahattaýshylardyń qaýipsizdigi sharalaryn qabyldaýy qajet. Óńir ákimderi týrızm salasyn damytý máselesin tikeleı baqylaýǵa alady.