Tekserý nátıjesinde Almaty oblysynyń prokýratýrasy, túzeý mekemelerinde eleýli buzýshylyqtardy anyqtady.
Sottalǵandar, uıaly telefondar paıdalaný arqyly onlaın satyp-alýdy, kredıtterdi rásimdep jáne býkmekerlik keńseler men onlaın-kazıno arqyly qumar oıyndarǵa qatysqan, onda aqsha qarajatynyń jalpy aınalymy 3 mıllıard teńgeden asady, dep habarlaıdy Almaty-akshamy.kz.
№10-shy mekemeniń sottalǵandary mobıldi qurylǵylardy qoldana otyryp, ruqsat etilgen jáne tyıym salynǵan zattardy mekeme ishinde satqan.
Bul derek boıynsha Almaty oblysynyń prokýratýrasymen QK-niń 361-baby 2-1-bóligi boıynsha sotqa deıingi tergep-tekserý júrgizildi.
İle aýdandyq sotynyń úkimimen osy mekemeniń úsh qyzmetkerine túrli jazalaý sharalary qabyldandy.
Budan basqa, oblys prokýratýrasy QK-niń 361-baby 2-1-bóligi boıynsha №12 jáne №57 mekemelerdiń qyzmetkerlerine qatysty sotqa deıingi tergep-tekserýdi bastady, №57 mekeme bastyǵyna qatysty qamaýda ustaý túrindegi bultartpaý sharasy qoldanyldy.
Anyqtalǵan derekter, qylmystyq-atqarý júıesindegi mekeme qyzmetkerleriniń qatysýymen buzýshylyqtardyń jalǵasyp jatqandyǵyn aıǵaqtaıdy.
Tergeý jalǵasyp jatyr jáne qazirgi ýaqytta QPK-niń 201-babyna sáıkes ózge aqparat jarıalanýǵa jatpaıdy.