Ótken jyly Nurasyl Bolat buzaqylyq nıetpen qasaqana eki adamnyń densaýlyǵyna ortasha zıan keltirdi dep aıyptalǵan bolatyn.
2023 jyldyń qazan aıynda sot bul is boıynsha úkim shyǵaryp, depýtat Dáýlet Turlyhanovtyń ulyna 1 725 000 teńge kóleminde aıyppul saldy.
Sonymen qatar zardap shekkenderdiń paıdasyna 1 mln teńge kóleminde moraldyq ótemaqy óndirýge sheshim shyǵarǵan.
Búgin zańger Anna Dmıtrıevıch áleýmettik jelidegi paraqshasynda Joǵarǵy sottyń isti qaıta qarap, Nurasyl Bolat 2 jylǵa bas bostandyǵyn shekteý jazasyn alǵanyn jazdy.
Bul onyń shetelge shyǵýyna, klýbtar men barlarǵa barýyna, ishimdik ishýine jáne basqa da qylmysqa barýǵa bolmaıtynyn bildiredi. Ol probasıa qyzmetine habarlap, kún saıyn saǵat 23:00-de úıinde bolýy kerek, - dep jazdy Dımıtrıevıch.