Laýazymdyq jalaqylary 20,3% ósken.
2021 jyly Qazaqstan Respýblıkasynda bir qyzmetkerdiń ortasha aılyq jalaqysy 2020 jylmen salystyrǵanda 17,5%-ǵa ósti, dep habarlaıdy Almaty-akshamy.kz.
«Jalaqynyń ósýi negizinen tarıftik mólsherlemeler men laýazymdyq jalaqylardyń, sondaı-aq birjolǵy tólemder men syılyqaqy kóleminiń ulǵaıýy esebinen boldy. Orta eseppen 2021 jyly kásiporyndar men uıymdar qyzmetkerleriniń tarıftik mólsherlemeleri men laýazymdyq jalaqylary 20,3%-ǵa ósti. Laýazymdyq jalaqylardyń eń joǵary ósimi 2021 jyly bilim berý jáne densaýlyq saqtaý salasynda tirkeldi, tıisinshe 28,1%-ǵa jáne 34,4%-ǵa, sondaı-aq kóterme jáne bólshek saýda salasynda 25,9%-ǵa ósti», - delingen Ulttyq statısıka búrosynyń habarlamasynda.
Ónerkásip, qurylys jáne kólik qyzmetkerleriniń laýazymdyq jalaqylary 2020 jylǵy deńgeımen salystyrǵanda orta eseppen 12-15%-ǵa ósti. Óner, oıyn-saýyq jáne demalys, sondaı-aq turý jáne tamaqtaný qyzmetteri qyzmetkerleriniń laýazymdyq jalaqysy ózgerissiz qaldy.
Qarjy jáne saqtandyrý qyzmeti, ónerkásip, sondaı-aq kólik jáne qoımalaý; kóterme jáne bólshek saýda qyzmetkerleri eńbekaqysynyń joǵary deńgeıde bolýy onyń úshten bir bóliginiń syılyqaqylar men birjolǵy tólemder esebinen qamtamasyz etilýimen baılanysty.