Asqat Aımaǵambetov mektep jasyndaǵy oqýshylardyń hıdjab kıýi máselesine qatysty oıymen bólisti, dep habarlaıdy Almaty-akshamy.kz Egemen.kz-ke silteme jasap.
«Mınıstrliktiń tıisti buıryǵy bar. Biz – zaıyrly memleketpiz. Mektepter de - zaıyrly mekeme. 2016 jyldan beri qabyldanǵan buıryq bar. Ol ózgermedi jáne óz kúshin joıǵan joq. Árıne, mektep formasyn saqtaý kerek. Alaıda shyndyqqa tike qarap, problemany jasyrmaýymyz qajet. Osy máselege qatysty balalardyń mektepke barmaı júrgen faktileri de bar.
Bilimniń ınklúzıvti bolýy óte mańyzdy, ıaǵnı osy balalarǵa bilim berýimiz kerek. Ol onlaın formatta da bolýy múmkin. Qazir mektepke barmaıtyn balalar ne istep jatyr? Mysaly, ol balalar «shetelde oqımyz» dep mektepten qujattaryn alyp ketedi. Biraq shyndyǵynda olar Qazaqstannyń shekarasynan syrtqa shyǵyp, eshqaıda barmaıdy. Elimizde onlaın bilim berý bolmaǵandyqtan, kórshi memleketterdiń onlaın-mektepterinen bilim oqyp jatyr. Al keıbiri tipti mektepke barýdy múlde qoıǵan. Al mundaıǵa jol berýge bolmaıdy. Balalarymyz mindetti túrde bilim alýy kerek», - dedi mınıstr Májilis otyrysynan keıin BAQ ókilderine bergen suhbatynda.