Almaty qalalyq polısıa departamenti bastyǵynyń orynbasary Qýatbek Naýatov Almaty qalalyq JQAJ-dyń jeke quramymen jumys keńesin ótkizdi, dep habarlaıdy aqshamnews.kz.
Kezdesý barysynda spıker jınalysqa qatysýshylardyń nazaryn qaladaǵy qylmystyq ahýaldy jaqsartýǵa baǵyttalǵan profılaktıkalyq sharalardy kúsheıtýge, sondaı-aq qaladaǵy qoǵamdyq tártipti saqtaýǵa jurtshylyqty belsendi tartýǵa aýdardy.
– 2025 jyl «Profılaktıka» jyly bolyp jarıalandy: polısıa zań men tártipti kúzetedi. Qylmysqa qarsy kúres jáne qoǵamdyq qaýipsizdikti qamtamasyz etý boıynsha úlken jaýapkershilik polısıa departamentiniń qyzmetterine, sonyń ishinde sizdiń qyzmetińizge júkteledi. Azamattar úshin qaýipsiz jáne qolaıly jaǵdaı jasaýǵa baǵyttalǵan alǵa qoıylǵan mindetterdi sheshý úshin aldyn alý sharalary qajet, – dedi, Qýatbek Naýatov.
Kezdesý qorytyndysy boıynsha Qýatbek Naýatov Almaty JQAJ qyzmetin odan ári jetildirýge baǵyttalǵan birqatar naqty tapsyrmalar berdi.