Kómir satatyn núktelerde kómir qory jetkilikti.
Qazaqstan Úkimeti ótken jyly memlekette qana kómir óndirilgenin jarıa etti, dep habarlaıdy Almaty-akshamy.kz.
«Qazaqstandaǵy kómir óndirýshi kompanıalary 2021 jyly 111,7 mln tonna kómir óndirgen, bul ótken jylǵy tıisti kezeńmen salystyrǵanda 102%-dy quraıdy. Óz kezeginde energıa óndirýshi kásiporyndarǵa 59,3 mln. tonna kómir tıeldi, bul ótken jylǵy kórsetkishtermen salystyrǵanda 0,8%-ǵa artyq. Al, ónerkásiptik kásiporyndarǵa 6,8 mln tonna kómir jóneltildi. Bul 2020 jylmen salystyrǵanda 21,4%-ǵa kóp. Sonymen qatar, komýnaldyq-turmystyq qajettilikterge jáne halyqqa 10,7 mln tonna kómir tıeldi, bul ótken jylǵy kórsetkishtermen salystyrǵanda 0,9%-ǵa artyq», - delingen Indýstrıa jáne ınfraqurymdylyq mınıstrliktiń baspasóz qyzmetiniń habarlamasynda.
Aıta ketý kerek, jylytý maýsymy bastalǵan kezde Mınıstrlik jergilikti atqarýshy organdardyń derekteri negizinde Komýnaldyq-turmystyq sektor jáne halyq úshin kómir ónimin tutynýdyń 2021-2022 jyldar kezeńine arnalǵan josparyn qalyptastyrdy.
2022 jylǵy 1 aqpandaǵy jaǵdaı boıynsha jospar boıynsha kózdelgen 9,3 mln tonnanyń 9,28 mln tonnasy aımaqtarǵa jetkizildi, ıaǵnı 99,7%, onyń ishinde:
- komýnaldyq-turmystyq sektorǵa jospar boıynsha kózdelgen 3,0 mln tonnanyń 2,96 mln. tonnasy jetkizildi, ıaǵnı 99%;
- halyqqa jospar boıynsha kózdelgen 6,336 mln. tonnanyń 6,322 mln. tonnasy jetkizildi, ıaǵnı 99, 7%.
Jergilikti atqarýshy organdardyń málimeti boıynsha kómir satatyn núktelerde kómir qory jetkilikti.
Esterińizge sala keteıik, kómir baǵasynyń ósýine jol bermeý maqsatynda Indýstrıa jáne ınfraqurylymdyq damý mınıstrligi Taý-ken óndirý jáne taý-ken metalýrgıa kásiporyndarynyń respýblıkalyq qaýymdastyǵymen memorandýmǵa qol qoıdy. Atalmysh qaýymdastyq «Qarajyra» AQ, «Shubarkól Kómir» AQ jáne «Bogatyr Kómir» JSHS kómir óndirýshi kompanıalardyń múddelerin bildiredi. Osyndaı memorandýmdarǵa óńirlerdiń ákimdikteri men áleýmettik kómirdi kóterme jetkizýshiler de qol qoıdy.