Bir táýlikte qalada 1336 adam koronavırýs juqtyrǵan.
Almatyda koronavırýs juqtyrǵan 1 443 naýqas em qabyldap jatyr. Bul týraly qalalyq qoǵamdyq densaýlyq basqarmasynan málim etti, dep habarlaıdy Almaty-akshamy.kz.
1 aqpan kúngi aqparat boıynsha, bir táýlikte qalada 1336 adam koronavırýs juqtyrǵan.
Barlyq emdelip shyqqandar – 168, kelip túskeni – 95.
«Infeksıalyq stasıonarlarda 1 443 adam bar (3310 tósek-oryn). Onyń ishinde 106 bala emdelip jatyr», – dep naqtylady qoǵamdyq densaýlyq saqtaý basqarmasynyń baspasóz qyzmetinen.
Sondaı-aq, reanımasıa jáne qarqyndy terapıa bóliminde 96 adam jatyr.
Al 20 naýqas jasandy tynys alý apparatyna qosylǵan.
Invazıvti emes jasandy tynys alý apparatynda 29 adam em qabyldaýdy jalǵastyrýda.
High flow-da 23 apparat jumys isteıdi.
Medısınalyq-sanıtarlyq alǵashqy kómek mobıldi brıgadalarynyń jáne Telemedısına ortalyǵynyń ambýlatorıalyq baqylaýynda 10 680 pasıent bar.
Onyń ishinde indet belgileri bar, ortasha aýyr jaǵdaıda 10 040 naýqas, sımptomsyz 640 naýqas bar.