Qazaqstandaǵy joǵary oqý oryndarynyń reıtıńi jarıalandy
Bilim jáne ǵylym mınıstrligi joǵary oqý oryndarynyń 2021 jylǵy reıtıńin qorytyndylady. Zertteýdi BǴM tapsyrysy boıynsha «Atameken» ulttyq kásipkerler palatasy júrgizdi. Reıtıń nátıjeleri búgin QR Prezıdenti janyndaǵy Ortalyq komýnıkasıalar qyzmetiniń alańynda belgili boldy, dep habarlaıdy Almaty-akshamy.kz Elorda.info saıtyna silteme jasap.
Joǵary oqý oryndarynyń bilim berý baǵdarlamalary úsh blokqa biriktirilgen 19 krıterıı boıynsha baǵalandy: túlekterdiń mansaptyq bolashaǵy, bilim berý baǵdarlamalarynyń sapasy jáne bilim alýshylardyń jetistikteri.
Zertteý kórsetkendeı, jumys berýshilerdiń joǵary oqý oryndaryndaǵy bilim berý baǵdarlamalarynyń sapasy men ózektiligine qanaǵattaný kórsetkishi edáýir artqan, sońǵy jyldary bul kórsetkish +28 paıyzdy qurady.
Reıtıń kórsetkendeı, joǵary oqý oryndarynyń bilim berý baǵdarlamalarynyń 85%-y jumys berýshilermen kelisilgen. Baǵdarlamalardyń 88%-y tanylǵan akredıtteý agenttikterinde akredıtteýden ótti.
Jumysqa ornalasqan túlekterdiń sany ótken jylmen salystyrǵanda 12%-ǵa artyp otyr. Osylaısha, 2021 jyly jumyspen qamtý ortasha eseppen 77% qurady.
Akademıalyq utqyrlyq baǵdarlamasyna qatysý tájirıbesi boıynsha da jaqsy kórsetkishter bar, onyń ishinde sheteldik joǵary oqý oryndarynda túlekterdiń 55%-y bilim alýda.
Bilim berý júıesin sıfrlandyrý kórsetkishteri boıynsha da aıtarlyqtaı oń ózgerister baıqalyp jatyr. Joǵary oqý oryndarynyń 90%-ynda elektrondy kitaphanalar bar, 87%-y plagıatqa qarsy júıeni, 81%-y proktorıng júıesin engizdi.
Reıtıń-2021 qorytyndysy boıynsha: «Densaýlyq saqtaý jáne áleýmettik qamtamasyz etý» baǵyty boıynsha jetekshi oryndy S.D. Asfendıarov atyndaǵy QazUMÝ JOO ıelendi, al Ońtústik Qazaqstan medısına akademıasy aýtsaıderler qatarynda.
Zań salasy boıynsha Nárikbaev atyndaǵy KAZGÚÝ ýnıversıteti dástúrli túrde kósh bastap keledi.
«Pedagogıkalyq ǵylymdar» baǵyty boıynsha L.N. Gýmılev atyndaǵy Eýrazıa ulttyq ýnıversıteti aldyńǵy orynda tur. Al Shymkent qalasyndaǵy A. Qýatbekov atyndaǵy Halyqtar dostyǵy ýnıversıteti, «Syrdarıa» ýnıversıteti tómengi orynda tur.
«Aqparattyq-kommýnıkasıalyq tehnologıalar» baǵyty boıynsha HATÝ, al «Aýyl sharýashylyǵy jáne bıoresýrstar» boıynsha M. Qozybaev atyndaǵy SQÝ aldyńǵy orynda tur. «Jaratylystaný ǵylymdary, matematıka jáne statısıka», «Óner jáne gýmanıtarlyq ǵylymdar» jáne «Áleýmettik ǵylymdar, jýrnalısıka jáne aqparat» sıaqty úsh baǵyt boıynsha S.Toraıǵyrov ýnıversıteti kósh bastap keledi.
Elimizdegi kópsalaly joǵary oqý oryndary arasyndaǵy jalpy reıtıńte L. Gýmılev atyndaǵy Eýrazıa ulttyq ýnıversıteti, S.Toraıǵyrov ýnıversıteti, Qazaqstan-Nemis ýnıversıteti úzdik atandy.
Beıindi JOO-lar arasynda Nárikbaev atyndaǵy KAZGÚÝ ýnıversıteti úzdik boldy.
Sondaı-aq Qazaqstan-Brıtan ýnıversıteti, Narhoz ýnıversıteti, Halyqaralyq aqparattyq tehnologıalar ýnıversıteti, KIMEP ýnıversıteti sıaqty joǵary oqý oryndary aldyńǵy qatarda tur.
Kelesi joǵary oqý oryndary ádettegideı aýtsaıderler qatarynda: akademık A. Qýatbekov atyndaǵy Halyqtar dostyǵy ýnıversıteti, Ortalyq Azıa ınovasıalyq ýnıversıteti, Syrdarıa ýnıversıteti, Shymkent ýnıversıteti.
Reıtıń qorytyndysy bilim berý baǵdarlamalaryn jetildirý boıynsha jumys atqarmaǵan joǵary oqý oryndary aýtsaıderler qataryna qosylǵanyn kórsetip otyr. Ádette bul ýnıversıtetter bilim berý baǵdarlamalaryna ınvestısıa az bóledi, praktık-oqytýshylardy az jumyldyrady jáne jyl saıyn UBT/KT-da tómen bal jınaǵan abıtýrıentterdi oqýǵa qabyldaıdy.
«Reıtıń nátıjelerimen tolyǵyraq Bilim jáne ǵylym mınıstrligi men «Atameken» UKP resmı saıttarynda tanysýǵa bolady. Túlekter men olardyń ata-analaryna ýnıversıtet tańdaý kezinde bilim berý qyzmetiniń sapasyna basa nazar aýdarý kerek ekenin taǵy da eskertemiz. BǴM men jumys berýshiler reıtıńisiniń qorytyndysy boıynsha aýtsaıder JOO-lar ádette jumysyn toqtatqan joǵary oqý oryndarynyń tizimine enetinin tájirıbe kórsetip otyr», – delingen mınıstrlik habarlamasynda.