2024 jyly kópbalaly otbasylarǵa jáne nagradtalǵan analarǵa beriletin memlekettik járdemaqymen orta eseppen 818,1 myń otbasy jalpy somasy 546,3 mlrd teńge mólsherinde qamtyldy, onyń ishinde: kópbalaly otbasylarǵa beriletin járdemaqy 579,5 myń otbasyǵa 474,1 mlrd teńge mólsherinde; nagradtalǵan anaǵa beriletin járdemaqy 238,5 myń adamǵa 72,1 mlrd teńge mólsherinde tólendi.
Kópbalaly otbasyǵa beriletin memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady, dep habarlaıdy aqshamnews.kz.
Tólem mólsheri bala sanyna qaraı eseptelip tólenedi jáne 2025 jyly:
- 4 balasy bar otbasylarǵa – 16,03 AEK nemese 63 030 teńge;
- 5 balaǵa – 20,04 AEK nemese 78 798 teńge;
- 6 balaǵa – 24,05 AEK nemese 94 565 teńge;
- 7 balaǵa – 28,06 AEK nemese 110 332 teńge;
- 8 jáne odan da kóp balasy bar otbasylarǵa – ár balaǵa 4 AEK nemese 15 728 teńge mólsherinde tólendi.
Nagradtalǵan anaǵa beriletin járdemaqy «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, İ jáne İİ dárejeli «Ana dańqy» ordenderimen nagradtalǵan analarǵa taǵaıyndalady.
Nagradtalǵan anaǵa beriletin járdemaqy aı saıyn kelesi mólsherde tólenedi:
- «Kúmis alqa» alqasymen nagradtalǵan analarǵa – 6,40 AEK nemese 25 165 teńge;
- «Altyn alqa» alqasymen nagradtalǵan nemese buryn «Batyr Ana» ataǵyn alǵan, İ jáne İİ dárejeli «Ana dańqy» ordenderimen nagradtalǵan analarǵa – 7,40 AEK nemese 29 097 teńge.
2025 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 6,5%-ǵa artqanyn atap ótemiz.