2025 jyldyń 21 qańtarynda Almaty qalasynyń Ádilet departamenti Apple ónimderiniń taýar belgileriniń zańsyz paıdalanylýy boıynsha «D» kásipkerlik sýbektisine qatysty jospardan tys tekserý júrgizdi.
Tekserý barysynda 1300-den astam birlik kontrafaktilik ónim anyqtaldy, jalpy somasy 5 600 000 teńgeden asty. Ónimniń sapasy kúmán týdyryp, óndiris ornynyń resmı shyǵý tegi joq ekeni baıqaldy, dep habarlaıdy aqshamnews.kz.
Ádilet departamenti zıatkerlik menshikti qorǵaýǵa jáne kontrafaktilik ónimniń aınalymyna jol bermeýge erekshe nazar aýdarady. Kontrafaktilik ónim quqyq ıelenýshilerge, tutynýshylarǵa jáne jalpy ekonomıkaǵa zıan keltiredi.
Qazirgi ýaqytta is boıynsha barlyq materıaldar Qazaqstan Respýblıkasynyń qoldanystaǵy zańnamasyna sáıkes prosesýaldyq sheshimder qabyldaý úshin sotqa jiberildi.
Almaty qalasynyń Ádilet departamenti quqyq ıelenýshilerdiń quqyqtaryn qorǵaý jáne kásipkerlik qyzmette zańdylyqty qamtamasyz etý maqsatynda zıatkerlik menshik salasyndaǵy zań buzýshylyqtardy anyqtaý jáne aldyn alý boıynsha jumysyn jalǵastyrady.