Skills Enbek-te barlyǵy 355 myń qazaqstandyq tirkelse, onyń 166,5 myńy – 2023 jyly tirkeldi.
2023 jyly 145,5 myń azamat, onyń ishinde 42 myńǵa jýyq jumyssyz Skills Enbek (budan ári – Skills Enbek) kásiptik oqytý platformasynda kýrstardan ótkeni týraly sertıfıkat aldy, dep habarlaıdy Almaty-akshamy.kz.
Oqýdan ótken 42 myń jumyssyz azamattyń 14,4 myńǵa jýyǵy – negizinen Aqtóbe, Túrkistan, Qyzylorda oblystary men Shymkent qalasynyń jastary.
Skills Enbek iske qosylǵan sátten bastap avtorlar ártúrli baǵyttar boıynsha 294 kýrs jarıalady, onyń 234-i tegin. Kýrstardyń uzaqtyǵy 1-den 72 saǵatqa deıin.
Eń tanymal kýrstar – «Ptısevodstvo. Vyrashıvanıe broılerov», «Vyrashıvanıe lımona v teplısah», «Jylyjaıda kókónis ósirý tehnologıasy», «Kasır», «Professıonalnyı kýrs ındıvıdýalnogo pomoshnıka dlá soprovojdenıa lıs s trýdnostámı v peredvıjenıı».
Qosymsha múmkindikter berý jáne qoljetimdi kýrstar bazasyn keńeıtý maqsatynda Skills Enbek-te 2023 jyly: Fluent Education halyqaralyq bilim berý platformasymen, Nazarbaev Ýnıversıtetiniń áleýmettik damý qorymen, Iandeks Qazaqstan, Qazaqstan aýdarma akademıasymen, «Qazaqstandyq qoǵamdyq damý ınstıtýty» KEAQ-men, «TestIT» IT mektebimen jáne t. b. yntymaqtastyq týraly birqatar memorandýmdarǵa qol qoıyldy.
QR Áleýmettik kodeksin iske asyrý sheńberinde Skills Enbek-te múgedektigi bar, júrip-turýy qıyn adamdardy, sondaı-aq nashar kóretin azamattardy súıemeldeýdi júzege asyratyn jeke kómekshiler úshin kýrstar qoljetimdi ekenin atap ótken jón. Memlekettik jáne orys tilderinde oqýdan ótý tolyǵymen tegin. Kýrstyń uzaqtyǵy – 32 saǵat. Kýrstan ótý úshin 5,4 myń adam tirkeldi, onyń ishinde 4,3 myń adam oqýdy sátti aıaqtap, sertıfıkat aldy.
Skills Enbek-tegi «Bastaý Bıznes» jobasy aıasynda óz isin ashýǵa sheshim qabyldaǵan azamattarǵa kásipkerlik negizderine oqytý múmkindigi beriledi. 2023 jyly 100,2 myń adam oqýdy aıaqtap, sertıfıkattaryn aldy, onyń ishinde 48,5 myńy (48,4%) jastar.
Sondaı-aq, Skills Enbek-te «Kúmis jas» jobasy aıasynda 50 jastan asqan azamattar jumysqa ornalasý úshin jańa daǵdylardy tegin oqı alady. «Kúmis jas» bóliminde 130-dan astam kýrstar qoljetimdi bolady, atap aıtqanda: aýyl sharýashylyǵy, qarjy, bilim berý, áleýmettik qyzmet kórsetý, marketıń jáne týrızm, aqparattyq tehnologıalar, energetıka baǵyty.
2023 jyly platformada jobanyń 5,4 myńnan astam qatysýshysy tirkeldi, onyń ishinde 3,9 myń adam oqýdan ótip, sertıfıkat aldy.
Budan basqa, ótken jyly portalda jeke qyzmetter men servıs, óndiris, qurylys jáne TKSH, turý jáne tamaqtaný salalaryndaǵy kýrstardyń tizbesi, sondaı-aq «ıkemdi» daǵdylardy nemese smart skills damytý (Agile qaǵıdattary boıynsha jobalardy basqarý, taım-menedjment, komandada jumysty uıymdastyrý jáne t. b.) boıynsha kýrstar keńeıtildi. Ázirlengen kýrstar azamattarǵa tegin oqý úshin beriledi jáne mansapty damytý, sondaı-aq eńbek naryǵynda básekege qabilettilikti arttyrý maqsatynda óz daǵdylaryn jetildirýge umtylatyn jańadan bastaýshylar úshin de, tájirıbeli mamandar úshin de paıdaly bolýy múmkin.
Jalpy, onlaın-oqytýdy damytý azamattar arasynda adamı kapıtal sapasy men sıfrlyq saýattylyq deńgeıin arttyrýǵa yqpal etedi.
Skills.enbek.kz-te tirkelý jáne platformada jumys isteýge qatysty barlyq suraq boıynsha «ERDO» AQ jaýapty qyzmetkerlerimen baılanysýdy suraımyz: 8 (7172) 95 43 17 (ishki. 877, 878, 888).