Bilim jarysy osy jyldyń 8-13 qańtary aralyǵynda ótedi.
Oǵan Qazaqstan, Ázirbaıjan, Armenıa, Belarýs, Reseı, Qyrǵyzstan, Ózbekstan, Bolgarıa, Tájikstan, Mońǵolıa, Grýzıa, Serbıa, Úndistan jáne Rýmynıa syndy álemniń 14 elinen 55 komanda, 600-ge jýyq oqýshy qatysady, dep habarlaıdy Almaty-akshamy.kz.
Oqý-aǵartý mınıstrliginiń málimetinshe, olımpıadanyń maqsaty – daryndy oqýshylardy anyqtaý, olardy ıntellektýaldyq turǵyda odan ári damytý jáne kásibı baǵdarlaý úshin jaǵdaı jasaý, oqýshylar arasynda fızıka, matematıka jáne IT bilimderin taratý jáne nasıhattaý, sondaı-aq basqa elderdiń fızıka-matematıkalyq mektepterimen halyqaralyq yntymaqtastyqty damytý.
Eskere óteıik, úsh jyl boıy onlaın formatta ótkizilgen olımpıada bıyl offlaın formatta uıymdastyrylady. Jáýtikov atyndaǵy HH halyqaralyq olımpıadanyń ashylý jáne jabylý saltanaty osy jyldyń 8 jáne 13 qańtarynda Almaty Theatre-de ótedi.