Salıdat Qaıyrbekova atyndaǵy Ulttyq ǵylymı densaýlyq saqtaýdy damytý ortalyǵy 2024 jyldyń qorytyndysy boıynsha TMKKK jáne MÁMS sheńberinde medısınalyq kómek kórsetetin jeke medısınalyq mekemelerdi qosa alǵanda, medısınalyq uıymdar men respýblıkalyq ǵylymı ortalyqtardyń reıtıńin jasady.
Jalpy reıtıńtik baǵalaýǵa menshik nysanyna jáne beıindik baǵytyna qaramastan, toǵyz negizgi sanat boıynsha bólingen QR 20 óńiri bólinisinde 772 medısınalyq uıym jatqyzyldy, dep habarlaıdy aqshamnews.kz cala mınıstrliginiń málimeterine súıene otyryp.
Bul ǵylymı-zertteý ınstıtýttary/ǵylymı ortalyqtar, eresekterge arnalǵan kóp beıindi stasıonarlar (oblystyq / qalalyq), balalarǵa arnalǵan kóp beıindi stasıonarlar (oblystyq/qalalyq), bosandyrý uıymdary (perzenthanalar/perınataldyq ortalyqtar), MSAK kórsetetin medısınalyq uıymdar, onkologıalyq ortalyqtar/dıspanserler, týberkýlezge qarsy dıspanserler/ftızıopýlmonologıa ortalyqtary, psıhıkalyq densaýlyq ortalyqtary jáne aýdandyq aýrýhanalar (ortalyq/aýdanaralyq).
Ádistemege sáıkes reıtıńti esepteý kezinde 14 klınıkalyq ındıkator, sondaı-aq akredıtteý týraly aqparat jáne negizdelgen shaǵymdardyń sany týraly málimetter eskerildi.
Respýblıkanyń 17 ǵylymı-zertteý ınstıtýty men ǵylymı ortalyǵynyń ishinde «Akýsherlik, gınekologıa jáne perınatologıa ǵylymı ortalyǵy» AQ (Almaty q.), «A.N.Syzǵanov atyndaǵy Ulttyq hırýrgıa ǵylymı ortalyǵy» AQ (Almaty q.) jáne «Ulttyq ǵylymı medısınalyq ortalyq» AQ (Astana q.) reıtıńilengenderdiń arasynda kóshbasshy bolyp tanyldy.
15 onkologıa ortalyǵynyń arasynda klınıkalyq ındıkatorlar men menedjment kórsetkishteri boıynsha Almaty qalasynyń DSB «Almaty onkologıa ortalyǵy» SHJQ KMK, «Qazaq onkologıa jáne radıologıa ǵylymı-zertteý ınstıtýty» AQ (Almaty q.), SHQO DSB Shyǵys Qazaqstan oblystyq kópbeıindi «Onkologıa jáne hırýrgıa ortalyǵy» SHJQ KMK úzdik atandy.
Eresekterge arnalǵan 84 kópbeıindi stasıonardyń ishinde medısınalyq kómek kórsetý deńgeıi boıynsha aldyńǵy qatarly DSB «Qaraǵandy qalasynyń №1 kópbeıindi aýrýhanasy» KMK, «Qonaev qalasynyń kópbeıindi qalalyq aýrýhanasy» SHJQ MKK , Astana qalasy ákimdiginiń »№2 kópbeıindi qalalyq aýrýhanasy» SHJQ MKK boldy.
24 kópbeıindi balalar stasıonarynyń ishinde Almaty qalasynyń DSB «№2 balalar qalalyq klınıkalyq aýrýhanasy» SHJQ KMK, Qyzylorda oblysynyń DSB «Kópbeıindi oblystyq balalar aýrýhanasy» SHJQ KMK, DSB «Qaraǵandy qalasynyń kópbeıindi balalar aýrýhanasy» SHJQ KMK kóshbasshy boldy.
178 aýdandyq aýrýhananyń qyzmetin baǵalaý qorytyndysy boıynsha AO DSB «Abaı aýdandyq aýrýhanasy» SHJQ KMK, Aqtóbe oblysy DSB SHJQ MM «Áıteke bı AA» MKK, Aqtóbe oblysy DSB SHJQ MM «Hromtaý AA» MKK úzdik atandy.
MSAK-tyń 385 uıymynyń ishinde menedjment jáne klınıkalyq kórsetkishter boıynsha eń joǵary nátıjege qol jetkizgen elimizdiń 5 úzdik qalalyq emhanasy anyqtaldy.
Bular Astanadaǵy QR DSM «Respýblıkalyq medısınalyq-sanıtarlyq alǵashqy kómek ortalyǵy», Almaty qalasynyń DSB «№17 qalalyq emhanasy», BQO ákimdigi DSB «№4 qalalyq emhanasy», «Sofie Medgroup» kópbeıindi klınıkasy» JSHS (Aqtaý Q.), Pavlodar qalasy ákimdiginiń «№ 3 emhanasy».
2023 jyldan bastap Qazaqstan Respýblıkasynyń medısınalyq uıymdary, ǴZI jáne UO qyzmetin reıtıńtik baǵalaý óńir men respýblıka deńgeıinde medısınalyq kómek kórsetý beıinderi boıynsha saralaýdy júrgizýge múmkindik beretin ózekti ádistemege sáıkes júrgiziletinin aıta ketken jón.
Medısınalyq uıymdardyń tolyq reıtıńimen UǴDSDO saıtynda silteme boıynsha tanysýǵa bolady: https://nrchd.kz/ru/2017-03-12-10-50-44/press-reliz/2926-nntsrz-podvel-itogi-rejtingovoj-otsenki-meditsinskikh-organizatsij-respubliki-kazakhstan-za-2024-god