QR TJM «NNSSNI» JSHS seısmıkalyq stansıalar jelisi 28 naýryzda Almaty qalasyna 323 shaqyrym jerde jer silkinisin tirkedi.
Jer silkinisin seısmıkalyq stansalar jelisi 28 naýryzda Astana ýaqytymen 03:42–de tirkedi, dep habarlaıdy aqshamnews.kz.
Jer silkinisiniń oshaǵy Qazaqstan aýmaǵynda, Almaty qalasynan ońtústik-batysqa qaraı 323 km jerde ornalasqan.
Sezilýi týraly aqparat:
Eseptelgen qarqyndylyq (balmen) boldy:
Merki aýyly — 5.0 bal
Qulan aýyly — 4.0 bal
Shý qalasy — 2.0 bal
Tóle bı aýyly — 2.0 bal
Sarykemer aýyly — 2.0 bal
Taraz qalasy — 2.0 bal
Qordaı aýyly — 2.0 bal
Asa aýyly — 2.0 bal
Moıynqum aýyly — 2.0 bal
Zardap shekkender men qıraýlar týraly aqparat túsken joq.
QR Tótenshe jaǵdaılar mınıstrliginiń komandalyq ortalyǵynda seısmıkalyq jaǵdaıdy baqylaý boıynsha jedel shtab quryldy.
QR Tótenshe jaǵdaılar vıse-mınıstri Batyrbek Ábdishevtiń tóraǵalyǵymen aýmaqtyq bólimshelermen jumys keńesi jáne beınekonferensıa ótti.
Zardap shekkender týraly aqparat túsken joq, tirshilikti qamtamasyz etý mekemeleri shtattyq rejımde jumys istep jatyr.
— Qazaqstannyń Tótenshe jaǵdaılar mınıstrligi jaǵdaıdy baqylaýdy jalǵastyryp jatyr. Jaǵdaı turaqty. Qutqarý bólimsheleri qajet bolǵan jaǵdaıda áreket etýge daıyn. Jambyl oblysynda hımıalyq qaýipti 5 nysan ornalasqan. Mamandar olardy tekserý ózara árekettestk uıymdastyrdy — qaýip joq, — dep tolyqtyrdy TJM.