Ońtústik Koreıa azamaty ózin Taılandta joǵalyp ketti dep aqsha tappaq bolǵan, alaıda paıdanyń ornyna basy daýǵa qaldy, dep habarlaıdy Almaty-akshamy.kz Tengritravel.kz-ke silteme jasap.
BAQ málimetinshe, 24 jastaǵy Kım Henhıl Pattaııadan Koreıaǵa ushý kerek bolatyn, biraq, onyń ornyna ózin urlap ketti dep kórsetpek bolǵan.
«Er adam ata-anasyna qońyraý shalyp, ózin bireýler áýejaıda ustap alyp ketip, aqsha talap etip jatqanyn aıtqan. Osydan keıin ol baılanysqa shyqpaı qoıǵan, al alańdaǵan týystary Taılandtaǵy koreı elshiligine habarlasqan. Sondaǵy er adamnyń bar maqsaty Taılandta uzaǵyraq qalyp, súıiktisin ońaı aqshamen qamtamasyz etý bolǵan eken», – dep jazady basylym.
Alaıda polısıa uzamaı-aq Henhıldi úıinde otyrǵan jerinen tapqan. Er adam qashýǵa tyrysqanymen qolǵa túsip, qamaýǵa alyndy. Endi oǵan qatysty merziminen 497 kún asyp ketken vıza úshin is qozǵaldy.
Endi Taı eliniń zańy boıynsha Kım aıyppul arqalap, elden shyǵarylady jáne Taılandqa qaıta kiretin bolsa, qara tizimge enedi.