«Sıfrlyq notarıat» pılottyq jobasy iske qosyldy.
Endi qazaqstandyqtar senimhattardyń barlyq túrlerin notarıýsqa barmaı-aq, Egov mobile arqyly onlaın formatta rásimdeı alady. Jańa sıfrlyq jobany Ádilet jáne sıfrlyq damý, ınovasıalar jáne aeroǵarysh ónerkásibi mınıstrlikteri birlesip qolǵa alyp otyr, dep habarlaıdy Almaty-akshamy.kz Qazaqstan.tv-ǵa silteme jasap.
Sıfrlyq notarıat, ásirese, shetelde júrgen azamattarǵa yńǵaıly. Ol úshin qosymshaǵa kirip, notarıýsqa beıneqońyraý shalý jetkilikti. Aıta ketsek, bolashaqta mundaı qyzmet ekinshi deńgeıli bankterdiń qosymshalarynda da paıda bolady.
«Notarıýstardyń jumyssyz qalady degen jalǵan sóz. Egov mobile qarym-qatynasty jeńildetedi. Úıde otyryp, shetelde otyryp-aq qyzmet alýǵa bolady», - deıdi QR sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın.