Tımırázev pen Jarokov kósheleriniń qıylysynda “Býran-126” patrúldik ekıpajy apattyq jaǵdaı jasaǵan motosıklshini baıqap qalǵan.
Tártip saqshylarynyń toqta degen zańdy talaptaryna baǵynbaǵan jas jigit qashyp ketpek bolǵan. Alaıda beker. Patrúldik qyzmetkerler ony Levıtan kóshesinde toqtatty, dep habarlaıdy Almaty-akshamy.kz Polisia.kz-ke silteme jasap.
«Motosıklshiniń minez-qulqy jol qozǵalysyna qatysýshylar úshin óte qaýipti boldy. Medısınalyq saraptama onyń esirtkige mas bolǵanyn anyqtady. Quqyq buzýshy kólik quralyn basqarýdan aıyrylyp, QR ÁQBtK-niń 608-baby 6-bólimi jáne QR ÁQBtK-niń 596-baby 5-bóligi, QR ÁQBtK-niń 606-baby 1-bóligi, QR ÁQBtK-niń 613-baby 1-bóligi, QR ÁQBtK-niń 230-baby 1-bóligi boıynsha ákimshilik jaýapkershilikke tartyldy», – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Ol sondaı-aq sheshim qabyldaý úshin óndiris materıaldary Almaty qalasy boıynsha mamandandyrylǵan aýdanaralyq ákimshilik sotyna jiberiletinin aıtty. Eki dóńgelekti kólik aıyppul turaǵyna qoıyldy.