«Jańa qazaq ádebıeti» jobasy: Bıyl 14 kitap basylyp shyǵady.
Arhıv isteri jáne qujattamany basqarý komıtetiniń Baspa isi basqarmasynyń basshysy Almaz Myrzahmet «Jańa qazaq ádebıeti» jobasy týraly aıtty, dep jazady Almaty-akshamy.kz/ BAQ.KZ -ke silteme jasap.
«Jańa qazaq ádebıeti» - buryn eshbir jerde jarıalanbaǵan óte qundy eńbekter. Biz bul kórkem ádebıetter men rýhanı ári eleýli qubylystarǵa arnalǵan kitaptardy bólek serıamen shyǵarýdy qolǵa aldyq. Byltyr osy bastamamen 10 kitapty jaryq kórdi. Ol on kitap 30 myń danamen basylyp, elimizdiń túpkir-túpkirine tarady. Bıyl 14 kitapty «Jańa qazaq ádebıeti» serıasymen shyǵaramyz, - dedi Almaz Myrzahmet.
Myrzahmettiń aıtýynsha, bastama jas qalamgerlerdiń esimin tanytyp, ádebı týyndylarymyzdy baıytyp jatyr.
Máselen, serıada Álıa Dáýletbaeva, Qanat Ábilqaıyr jáne keıingi jyrlarymen halyqtyń ystyq yqylasyna bólengen Maraltaı Raıymbekulynyń eńbekteri bar. Biz bıyl kóktemde "Jańa qazaq ádebıeti" serıasymen shyqqan kitaptardyń tusaýkeserin ótkizýdi josparlap otyrmyz. Mınıstrliktiń jobasyna Prezıdenttiń ózi keledi dep kútilýde. Odan bólek, elimizdiń belgili jazýshylary men aqyndaryn shaqyryp, jyr jármeńkesin jasaǵymyz keledi, - dedi ol.